پرەزيدەنت • 15 ماۋسىم، 2021

پرەزيدەنت «ايقىن ەكونوميكا» ۇلتتىق جوباسىن ىسكە قوسۋ باستاماسىن قولدادى

43 رەت كورسەتىلدى

مەملەكەت باسشىسىنا «كولەڭكەلى» ەكونوميكا دەڭگەيىن قىسقارتۋ باعىتىندا جۇرگىزىلىپ جاتقان جۇمىستار تۋرالى مالىمەت بەرىلدى. اتالعان مىندەت جۇيەلى ءارى كەشەندى الدىن الۋ شارالارىن ازىرلەۋ جانە وتكىزۋ ارقىلى جۇزەگە اسىرىلۋدا، دەپ حابارلايدى Egemen.kz اقورداعا سىلتەمە جاساپ.

جانات ەليمانوۆ قاسىم-جومارت توقاەۆقا بۇگىنگە دەيىن 2،8 تريلليون تەڭگە كولەمىندە جالعان شوت-فاكتۋرالار جازىپ بەرۋمەن اينالىسقان 87 قىلمىستىق توپتىڭ جولى كەسىلگەنىن باياندادى. قابىلدانعان شارالاردىڭ ناتيجەسىندە زاڭدى تۇلعالاردىڭ قولما-قول اقشاعا اينالدىرعان قارجى كولەمىن 24 پايىزعا ازايتۋ مۇمكىن بولدى. بۇدان بولەك جاسىرىن جۇمىس ىستەگەن 10 تسەحتىڭ قىزمەتى توقتاتىلىپ، ەسەپتە جوق 800 مىڭ شولمەكتەن استام الكوگول ءونىمى تاركىلەندى. سونداي-اق 96 زاڭسىز ويىن مەكەمەسى جويىلىپ، زاڭسىز اينالىمنان 1200-دەن استام ويىن اۆتوماتتارى، تەرمينالدار مەن پوكەر ۇستەلدەرى الىندى. مۇناي جانە مۇناي ونىمدەرى بويىنشا 40 زاڭسىز اينالىم  دەرەگى انىقتالدى.

مەملەكەت باسشىسى «ايقىن ەكونوميكا» ۇلتتىق جوباسىن ىسكە قوسۋ تۋرالى باستامانى قولدادى. قارجى سالاسىنىڭ اشىقتىعىن قامتاماسىز ەتۋ، شاعىن جانە ورتا بيزنەستىڭ «كولەڭكەلى سەكتوردان» شىعۋىن ىنتالاندىرۋ اتالعان باستامانىڭ ستراتەگيالىق باسىمدىعى بولىپ تابىلادى.

اگەنتتىك توراعاسىنىڭ ايتۋىنشا، 2021-2022 جىلدارى قازاقستاننىڭ جىلىستاتۋعا قارسى جۇيەسى قىلمىستىق جولمەن تۇسكەن تابىستاردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل سالاسىنداعى فاتف (اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توبى) ستاندارتتارىنىڭ ساقتالۋى بويىنشا ءوزارا باعالاۋدان ءوتۋى ءتيىس.

پرەزيدەنت اگەنتتىكتىڭ اتالعان شاراعا قاتىستى جۇرگىزىپ جاتقان دايىندىق جۇمىستارىنىڭ ماڭىزدى ەكەنىن اتاپ ءوتتى جانە كەزدەسۋ قورىتىندىسى بويىنشا بىرقاتار ناقتى تاپسىرما بەردى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار