بالالاردا 72 ساعات بۇرىن جۇرگىزىلگەن سovid-19 زەرتحانالىق زەرتتەۋدىڭ تەرىس ناتيجەسى بولعان جاعدايدا جازعى ساۋىقتىرۋ لاگەرلەرىنە كىرۋىنە رۇقسات ەتىلەدى. مۇنىڭ جاي-جاپسارىن دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ تاماقتانۋ, ءبىلىم بەرۋ جانە تاربيە وبەكتىلەرىن سانيتارلىق-گيگيەنالىق باقىلاۋ جانە قاداعالاۋ باسقارماسىنىڭ باس ساراپشىسى ينديرا باسمانوۆا ءتۇسىندىرىپ بەردى.
ونىڭ ايتۋىنشا, ءاربىر بالادا لاگەرلەرگە كەلگەندە دەنساۋلىق جاعدايى تۋرالى قۇجاتتار – 079/ۋ نىسانى, ساۋىقتىرۋ لاگەرىنە باراتىن وقۋشىعا ارنالعان مەديتسينالىق انىقتاما, جۇقپالى اۋرۋلارمەن, ونىڭ ىشىندە سovid-19-بەن اۋىرمايتىنى تۋرالى انىقتامالار, كەلگەنگە دەيىن 72 ساعات بۇرىن جۇرگىزىلگەن پتر-تەستتىڭ تەرىس ناتيجەسى بار قۇجات بولۋى ءتيىس.
بيىل بالالار لاگەرلەرىنىڭ قىزمەتىنە رۇقسات ەتىلگەن. بىراق الەۋمەتتىك-ەكونوميكالىق نىسانداردىڭ «جاسىل ايماقتاعى» جۇمىس ولشەمشارتتارىنا سايكەس جازعى لاگەرلەر شەكتەۋسىز, «سارى ايماقتاعى» لاگەرلەردە 50% تولعاندا جانە «قىزىل ايماقتاعى» لاگەرلەردە 30% تولعاندا جۇمىس ىستەيدى.
ي.باسمانوۆا كوميتەت سايتىندا حالىقتىڭ سانيتارلىق-ەپيدەميالىق سالاماتتىلىعى سالاسىنداعى نورماتيۆتىك قۇقىقتىق اكتىلەردىڭ تالاپتارىنا سايكەس كەلەتىن بالالاردى ساۋىقتىرۋ ۇيىمدارىنىڭ ءتىزىمى ورنالاستىرىلعانىن ەسكە سالدى.
قازاقستان رەسپۋبليكاسى باس مەملەكەتتىك سانيتارلىق دارىگەرىنىڭ 2021 جىلعى 26 مامىرداعى №24 قاۋلىسىمەن مەنشىك نىسانىنا قاراماستان, بالالاردى ساۋىقتىرۋ لاگەرلەرى (مەكتەپ جانىنداعى, قالا سىرتىنداعى) قىزمەتىنىڭ شەكتەۋ ءىس-شارالارىن, ونىڭ ىشىندە كارانتيندى ەنگىزۋ كەزەڭىنە ارنالعان الگوريتمى بەكىتىلدى.
