ايماقتار • 10 مامىر، 2021

35 ءۇي وتقا وراندى: ورمانداعى ءورتتى اۋىزدىقتاۋ قيىنداپ بارادى

688 رەت كورسەتىلدى

ريددەر قالاسىنىڭ توڭىرەگىندەگى الاپات ءورت ەلدى مەكەنگە ەنىپ ۇلگەردى، دەپ حابارلايدى Egemen.kz

وكىنىشكە قاراي، ەكى ادام اۋرۋحانا توسەگىنە تاڭىلسا ءبىر ادام كوز جۇمعان.

سوققان جەل ءتىلسىز جاۋدى تەجەۋدى ودان سايىن قيىنداتىپ، لەسحوز شاعىن اۋدانىنداعى 35 ءۇيدى شارپىدى. قۇتقارۋشىلار ليحاچەۆ كوشەسىنىڭ 10 تۇرعىنىن ەۆاكۋاتسيالادى.

ءورتتىڭ وشاعىندا، ورماندا ورمان شارۋاشىلىعى جەكە قۇرامىنىڭ، جەرگىلىكتى اتقارۋشى ورگانداردىڭ جانە تجد ءورت سوندىرۋشىلەرىنىڭ 118 قىزمەتكەرى جانە 20-دان استام تەحنيكا جۇمىس ىستەۋدە. 310 گەكتار وتقا ورانعان. ونى سوندىرۋگە مي-8 جانە مي-2 اۋە ورمان كۇزەتىنىڭ تىكۇشاقتارى كەلىپ، 17 500 تەكشە مەتر سۋ توكتى.

جەدەل جاردەم جەلىسى بويىنشا لەسحوز كەنتىنەن 1949 جانە 1980 جىلى تۋعان ەكى ەر ادام كۇيىك شالىپ، جەرگىلىكتى اۋرۋحانانىڭ جانساقتاۋ بولىمىنە جەتكىزىلدى. ال پوليتسەيلەر 1948 جىلى تۋعان ايەلدىڭ ءمايىتىن تاۋىپ الدى. قازىرگى ۋاقىتتا دەرەكتەر ناقتىلانۋدا. مامانداردىڭ پايىمداۋىنشا، ءورتتى قاساقانا قويعان نەمەسە وتتى ابايسىز پايدالانعان.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار