قۇجاتتا سىبايلاس جەمقورلىققا قارسى اعارتۋ, سىبايلاس جەمقورلىقتىڭ الدىن الۋ, قوعاممەن ارىپتەستىك, جاۋاپكەرشىلىكتىڭ بۇلتارتپاستىعى بويىنشا قابىلدانعان زاڭنامالىق جانە پراكتيكالىق شارالار, سونداي-اق بۇۇ سىبايلاس جەمقورلىققا قارسى كونۆەنتسياسىنىڭ ەرەجەلەرىن, ەۋروپا كەڭەسىنىڭ گرەكو باستى قاعيداتتارىن جانە ەىدۇ ۇسىنىمدارىن ەسكەرە وتىرىپ, سىبايلاس جەمقورلىققا قارسى ساياساتتى ودان ءارى جەتىلدىرۋ جونىندەگى ۇسىنىستار بەرىلگەن.
باياندامادا Covid-19 پاندەمياسى كەزىندە جانە داعدارىسقا قارسى قاراجاتتى يگەرۋ بارىسىندا سىبايلاس جەمقورلىقتىڭ الدىن الۋ جانە جولىن كەسۋ تۋرالى اقپاراتقا ەرەكشە نازار اۋدارىلدى. سونداي-اق قازاقستاندا سىبايلاس جەمقورلىقتى قابىلداۋ دەڭگەيىن تاۋەلسىز باعالاۋ جانە سىبايلاس جەمقورلىققا قارسى ساياسات ماسەلەلەرى بويىنشا حالىقارالىق ىنتىماقتاستىق قورىتىندىلارى كورىنىس تاپتى, ۋاكىلەتتى ورگاننىڭ, باسقا دا مەملەكەتتىك ورگانداردىڭ, قوعامدىق بىرلەستىكتەردىڭ جانە كۆازيمەملەكەتتىك سەكتور سۋبەكتىلەرىنىڭ سىبايلاس جەمقورلىققا قارسى ءىس-قيمىلعا قوسقان ۇلەسى باياندالدى.
ەستەرىڭىزگە سالا كەتەيىك, قازاقستان 2020 جىلدىڭ قورىتىندىسى بويىنشا Transparency International سىبايلاس جەمقورلىقتى قابىلداۋ يندەكسىندە العاش رەت 38 بالل جينادى. ال 180 ەلدىڭ اراسىندا 94-ورىندى يەلەندى.
باياندامانىڭ تولىق ماتىنىمەن مىنا سىلتەمە بويىنشا تانىسا الاسىزدار:
https://www.gov.kz/memleket/entities/anticorruption/documents/details/152774?lang=kk
