وبلىستىق دەنساۋلىق ساقتاۋ باسقارماسىنىڭ باسشىسى ومىرزاق نيازبەكوۆ زارداپ شەككەن قىزداردىڭ جاعدايىن ءبىلۋ ءۇشىن شەلەك اۋىلىنداعى اۋداندىق اۋرۋحاناعا ارنايى باردى. بالالاردىڭ جاعدايىمەن تانىسقان سوڭ, باسقارما باسشىسى بالالاردىڭ ساۋىعۋى ءۇشىن بارلىق قاجەتتى كومەك كورسەتىلەتىنىن اتاپ ءوتتى. اۋرۋحاناعا كۇن سايىن بالالارعا مەديتسينالىق كومەك كورسەتەتىن الماتى ايماقتىق بالالار كلينيكالىق اۋرۋحاناسىنان نەيروحيرۋرگتار, تراۆماتولوگتار, رەانيماتولوگتار كەلەدى.
«قازىرگى ۋاقىتتا شەلەك اۋىلىنداعى اۋداندىق اۋرۋحاناسىنا تۇسكەن 2012 جىلى تۋىلعان ەكى قىز بالانىڭ جاعدايى اۋىر. 2011 جىلى تۋعان ءۇشىنشى قىزدىڭ جاعدايى ورتاشا. ول الماتى ايماقتىق بالالار كلينيكالىق اۋرۋحاناسىندا ەمدەلۋدە. قازىرگى ۋاقىتتا توپەراتسيا جاسالدى», دەدى باسقارما.
ەسكە سالا كەتەيىك, 2 ناۋرىزدا كورام اۋىلىندا «ۋاز» اۆتوكولىگىنىڭ ماس جۇرگىزۋشىسى جول جيەگىندە تۇرعان ەكى 8 جانە ەكى 9 جاستاعى قىزداردى قاعىپ كەتكەن. جول وقيعاسىنىڭ ناتيجەسىندە جاراقات العان ءۇش بالا ءتۇرلى دەنە جاراقاتتارىمەن شەلەك اۋداندىق اۋرۋحاناسىنا جاتقىزىلدى. ءتورتىنشى قىزدى دارىگەرلەر قاراعان سوڭ, ۇيىنە جىبەرىلگەن. دارىگەرلەر سول كەزدە ەكى وقۋشى قىزدىڭ جاعدايىن اۋىر جانە وتە اۋىر دەپ باعالاعان.
ودان وزگە بۇل وقيعانى تەرگەۋدى قازاقستان رەسپۋبليكاسىنىڭ پرەزيدەنتى ءوز باقىلاۋىنا العانى حابارلانعان ەدى.
