فوتو: egemen.kz/ەرلان ومار
ول ىسىنە ازاماتتاردى تارتۋ ءۇشىن Instagram ارقىلى ءوزىن الەۋمەتتىك تولەمدەردى راسىمدەۋ جونىندەگى مامان رەتىندە تانىستىرىپ, جاردەماقى كولەمىن ارتتىرۋعا كومەكتەسەتىنىن ۋادە ەتكەن.
سحەمانى جۇزەگە اسىرۋ ءۇشىن تۋىستارى مەن تانىستارىنىڭ اتىنا ناقتى قىزمەت جۇرگىزبەگەن بىرنەشە جەكە كاسىپكەر تىركەلگەن.
«جەكە كاسىپكەرلەر مەن تارتىلعان تۇلعالاردىڭ ەلەكتروندىق تسيفرلىق قولتاڭبالارىن پايدالانىپ, بۋحگالتەر جالعان جۇمىسقا قابىلداۋ تۋرالى بۇيرىقتاردى, ەسەپ ايىرىسۋ تىزىمدەمەلەرى, ەڭبەك شارتتارى جانە وزگە دە بۋحگالتەرلىك قۇجاتتاردى دايىنداپ, زاڭدى ەڭبەك قاتىناستارى بار دەگەن جالعان مالىمەت جيناقتاعان», دەلىنگەن قما حابارلاماسىندا.
ءىرى كولەمدە قارجى جىمقىرعان قۇرىلىس كومپانياسىنىڭ باسشىسى رەسەيدەن ەكستراديتسيالاندى
وسى جالعان مالىمەتتەردىڭ نەگىزىندە ۋاكىلەتتى ورگاندار جاردەماقىلاردى نەگىزسىز جوعارى مولشەردە تاعايىنداعان.
كەيبىر كاسىپكەرلەر تولەمدەردى العاننان كەيىن بۇرىن اۋدارىلعان زەينەتاقى جانە الەۋمەتتىك اۋدارىمداردى كەرى قايتارۋدى راسىمدەگەن.
ناتيجەسىندە مەملەكەتكە 146 ملن تەڭگە كولەمىندە زالال كەلتىرىلگەن.
تەرگەۋ بارىسىندا ايىپتالۋشىنىڭ قىلمىستىق جولمەن يەمدەنگەن قاراجاتقا ساتىپ الىنعان ءۇش بولمەلى پاتەرىن قولدانۋعا تىيىم سالىندى.
اباي وبلىسىندا مەكتەپ ديرەكتورى «دامۋ بالا» ارقىلى قارجى جىمقىرعان
سوت ۇكىمىمەن وعان 5 جىل باس بوستاندىعىنان ايىرۋ جازاسى تاعايىندالدى. پاتەر مەملەكەت كىرىسىنە تاركىلەندى.
ۇكىم زاڭدى كۇشىنە ەندى.
