مامانداردىڭ حابارلاۋىنشا, جەر سىلكىنىسىنىڭ ماگنيتۋداسى 7,4 بالدى قۇرادى. جەر سىلكىنىسىنىڭ ەپيتسەنترى سولتۇستىك ەندىكتىڭ 1,20 گرادۋسى مەن شىعىس بويلىقتىڭ 126,35 گرادۋسى كوورديناتتارىندا ورنالاسقان. ال ونىڭ وشاعى شامامەن 30 شاقىرىم تەرەڭدىكتە بولعان.
الدىن الا مالىمەتتەرگە سايكەس, مۇنداي قۋاتتى جەر سىلكىنىسى ايماقتا ايتارلىقتاي ءدۇمپۋ سەزىلۋىنە سەبەپ بولۋى مۇمكىن. اسىرەسە جاعالاۋعا جاقىن وڭىرلەردە تۇراتىن تۇرعىندار قاتتى تولقۋلاردى سەزىنۋى ىقتيمال. قازىرگى ۋاقىتتا زارداپ شەككەندەر مەن قيراۋلار تۋرالى ناقتى اقپارات جاريالانعان جوق.
ءبىر تاۋلىكتە ەكىنشى رەت: جەتىسۋ وبلىسىندا جەر سىلكىنىسى تىركەلدى
ساراپشىلاردىڭ ايتۋىنشا, ماگنيتۋداسى 7 بالدان اساتىن جەر سىلكىنىستەرى عيماراتتارعا زيان كەلتىرىپ, ينفراقۇرىلىمعا قاۋىپ ءتوندىرۋى مۇمكىن. سونىمەن قاتار تەڭىزگە جاقىن ايماقتاردا مۇنداي دۇمپۋلەر كەي جاعدايدا تسۋنامي قاۋپىن دە تۋىنداتۋى ىقتيمال.
يندونەزيا تىنىق مۇحيتىنىڭ «وتتى شەڭبەرى» دەپ اتالاتىن سەيسميكالىق بەلسەندى ايماعىندا ورنالاسقان. سوندىقتان بۇل ەلدە جەر سىلكىنىستەرى مەن جانارتاۋلاردىڭ اتقىلاۋى ءجيى تىركەلەدى. وسىعان بايلانىستى جەرگىلىكتى بيلىك پەن توتەنشە جاعدايلار قىزمەتى ءاردايىم ساقتىق شارالارىن كۇشەيتىپ, حالىقتى جەدەل اقپاراتتاندىرۋ جۇمىستارىن جۇرگىزىپ كەلەدى.
قازىرگى ۋاقىتتا ماماندار جاعدايدى باقىلاۋدا ۇستاپ وتىر, ال تۇرعىندارعا قاۋىپسىزدىك ەرەجەلەرىن ساقتاپ, رەسمي اقپارات كوزدەرىنە عانا سەنۋ ۇسىنىلادى.
