«كوروناۆيرۋستىڭ تارالۋى, قاتاڭ شەكتەۋ شارالارى, مۇنايعا دەگەن سۇرانىس پەن ۇسىنىس تەپە-تەڭدىگىنىڭ بۇزىلۋى, الەمدىك مۇناي مەن مۇناي ونىمدەرى قورلارىنىڭ ۇلعايۋى جانە سوعان بايلانىستى مۇناي قويمالارىنىڭ تولىپ كەتۋى جانە كوپتەگەن مۇناي ءوندىرۋشى ەلدەردە, سونىڭ ىشىندە قازاقستاندا مۇناي ءوندىرىسىن توقتاتۋ قاۋپىنىڭ تۋىنداۋى سالدارىنان ۇكىمەت «كومىرسۋتەكتەردى بارلاۋ جانە ءوندىرۋ جونىندەگى وپەراتسيالاردى جانە ءوندىرۋ جونىندەگى وپەراتسيالاردى جۇرگىزۋ ءۇشىن جەر قويناۋى ۋچاسكەلەرىن پايدالانۋعا ۋاقىتشا شەكتەۋلەر ەنگىزۋ تۋرالى» قاۋلى جوبالارىن قابىلداعان بولاتىن. ۇكىمەت جانە وپەك+ كەلىسىمىنە قاتىسۋشى ەلدەر مۇناي ءوندىرۋ كولەمىن قىسقارتۋ اياسىندا قابىلداعان شارالاردىڭ ناتيجەسىندە, 2020 جىلدىڭ قورىتىندىسى بويىنشا مۇنايدىڭ باعاسى 1 باررەل ءۇشىن 18–دەن 50 دوللارعا دەيىن ءوستى», دەدى مينيستر.
ونىڭ ايتۋىنشا, وسىنداي باعالارمەن مۇناي ەكسپورتىنان تۇسەتىن ەسەپتىك پايدانىڭ ءوسىمى, ءوندىرىستى شەكتەۋدى ەسكەرگەننىڭ وزىندە 2020 جىلى شارتتى تۇردە 10 ملرد جانە 2021 جىلى 14 ملرد قۇرايدى.
«ەكونوميكالىق ىنتىماقتاستىق جانە دامۋ ۇيىمى قويمالارىنداعى مۇنايدىڭ كوممەرتسيالىق قورلارى 3214 ملن باررەلدەن 3077 ملن باررەلگە دەيىن تومەندەدى», ن. نوعاەۆ.
