باسىلىم مالىمەتىنشە, لوندون اۋەجايىنان ۇشاتىن بارلىق رەيستىڭ جولاۋشىسى ساپاردىڭ ۇزاقتىعىنا جانە ۇشۋ كلاسىنا قاراماستان, ساۋىردەن باستاپ 8,90 فۋنت (شامامەن 5 173 تەڭگە) قوسىمشا الىم تولەيدى. بۇل سوما بيلەت قۇنىنا قوسىلادى.
وسىلايشا, اۋەجاي باسشىلىعى بىلتىر تۇسىرە الماعان كىرىستىڭ ورنىن تولتىرۋعا تىرىسىپ جاتىر. 2020 جىلدىڭ قورىتىندىسى بويىنشا Heathrow جوسپارلانعان ەكى ميلليارد فۋنتىن (1 تريلليون 162 ميلليارد 280 ميلليون 193 مىڭ 200 تەڭگە) الا المادى.
باسىلىم حالىقارالىق ساراپشىلارعا سىلتەمە جاساي وتىرىپ, ەۋروپانىڭ باسقا اۋەجايلارى دا وسىنداي تاجىريبەنى قولدانۋى مۇمكىن ەكەنىن جازدى.
ايتا كەتەيىك, قازاقستاندىقتار پتر-تەستىنىڭ تەرىس ناتيجەسى بار انىقتامانى جانە ودان ءارى ساياحاتتاۋ ءۇشىن ىلەسپە قۇجاتتاردى ۇسىنعان جاعدايدا ۇلىبريتانياعا فرانكفۋرت ارقىلى ترانزيتپەن ۇشا الادى. رەيستىڭ شارتتارىن تولىعىراق مىنا سىلتەمەدەن وقىڭىز.
