ەكولوگيا • 04 ناۋرىز، 2021

ماجارستان ينۆەستورلارى تۇركىستان وبلىسىندا كۇن ەلەكتر ستانساسىن سالادى

9 رەت كورسەتىلدى

ماجارستان ينۆەستورلارى تۇركىستان وبلىسىندا كۇن ەلەكتر ستانساسىن سالادى، دەپ حابارلايدى Egemen.kz

ءتيىستى ۇشجاقتى مەموراندۋمعا بۇگىن «KAZAKH INVEST« ۇك» اق، تۇركىستان وبلىسىنىڭ اكىمدىگى جانە «Globalia Kft» كومپانياسىنىڭ وكىلدەرى اراسىندا قول قويىلدى. قۇجات اياسىندا شەتەلدىك ينۆەستورلار قۋاتتىلىعى 50 مۆت بولاتىن كۇن پاركىن سالۋدى جوسپارلاپ وتىر. جوبا 160 مىڭنان استام مونوكريستالدى كۇن ءمودۋلىن ورناتۋدى قاراستىرادى.

«تۇركىستان وبلىسىندا ەلەكتر ەنەرگياسىنىڭ تاپشىلىعى بار ەكەنى بارشاعا ءمالىم، كوبىنە ءبىز ونى ەلىمىزدىڭ سولتۇستىك وڭىرلەرىنەن الامىز. وسىعان بايلانىستى بىزگە ەنەرگيانىڭ بالامالى كوزدەرىن دامىتۋ قاجەت. وڭىردە جىلىنا ءۇش مىڭ ساعات كۇن اشىق. سوندىقتان ءبىزدىڭ وبلىس وسىنداي جوبالاردى ىسكە اسىرۋ ءۇشىن ەڭ قولايلى بولىپ تابىلادى»، دەپ اتاپ ءوتتى تۇركىستان وبلىسى بويىنشا «KAZAKH INVEST» ۇك« اق وڭىرلىك ديرەكتورى جاناباەۆ ەرسۇلتان.

الدىن الا كەلىسىمدەرگە سايكەس، كەس قۇرىلىسى 2022 جىلدىڭ باسىندا باستالادى. جوبانى ىسكە اسىرۋ شامامەن 150 جۇمىس ورنىن قۇرۋعا مۇمكىندىك بەرەدى. جوسپارلانعان ينۆەستيتسيالاردىڭ سوماسى ناقتىلانۋدا.

ء«بىز قازاقستاننىڭ ينۆەستيتسيا سالۋعا قولايلى ەل ەكەنىنە كوز جەتكىزدىك. ءبىز جوبالارعا قاراجات سالعان كەزدە، ءبىزدىڭ ينۆەستيتسيالارىمىز قورعالعانىنا جانە ولار ءوز جەمىسىن بەرەتىنىنە سەنىمدىمىز. ءبىز KAZAKH INVEST جان-جاقتى قولداۋىن ەرەكشە باعالايمىز. قازاقستاندا 24/7 ينۆەستورلار ءۇشىن قولجەتىمدى جانە اشىق كومپانيا بار ەكەنى وتە جاقسى»، دەدى ءىس-شارا بارىسىندا «Globalia Kft« كومپانياسىنىڭ باسقارما توراعاسى گابور ساگي.

بۇگىنگى تاڭدا «KAZAKH INVEST« ۇك» اق قولداۋىمەن جەك سالاسىندا جالپى سوماسى $930 ملن قۇرايتىن 15 جوبا ىسكە اسىرىلۋدا، وسى جوبالاردى ىسكە اسىرۋ شەڭبەرىندە جالپى قۋاتى 676 مۆت كۇن پاركتەرىن، گيدرو جانە جەل ەلەكتر ستانسالارىن قۇرۋ جوسپارلانۋدا.

سوڭعى جاڭالىقتار

ۇقساس جاڭالىقتار