تانىم • 10 اقپان، 2021

تۇركى جۇرتىنىڭ تەكتى پەرزەنتى

39 رەت كورسەتىلدى

ءوز زامانىنىڭ زاڭعار تۇلعالارى سانالى جاننىڭ رۋحاني كەمەلدەنۋىنە نەگىز بولىپ، رۋحيزاتتىڭ ءشول باسار كاۋسار بۇلاعىنا اينالۋىمەن بيىك. ولاردىڭ جۇرەك كوزىن اشار جاۋھار تۋىندىلارى ۇرپاق جادىندا گۇلدەپ، ۋاقىت ساندىعىندا ماڭگى ساقتالادى. سونداي الىپتاردىڭ قاتارىندا تۇركى جۇرتىنىڭ تەكتى پەرزەنتى الىشەر ناۋاي دە بار. سول مۇددەنى نەگىزگە الىپ، حالىقارالىق تۇركى اكادەمياسى ابىز اقىننىڭ 580 جىلدىعىنا وراي «شىعىستىڭ جارىق جۇلدىزى» اتتى شارا وتكىزدى.

رۋحاني ءىس-شارانىڭ تىزگىنىن حالىق­ارالىق تۇركى اكادەمياسىنىڭ پرەزي­دەنتى دارحان قىدىرالى ۇستادى. عۇمى­رى عيبراتقا تولى ابىز اقىن­ جي­ناق­تارىنىڭ سالماعىن، جاقۇت جاز­بالا­رىنىڭ تەرەڭدىگىن، مازمۇن­دىلىعىن ماز­داتا ايشىقتاعان ءماجىلىستىڭ مودەراتورى عۇ­لامانىڭ اسىل قاسيەتىنە توق­تالىپ وتىر­دى.

القيسسا ءسوزدىڭ باسى وزبەكستان رەس­پۋبليكا­سىنىڭ قازاقستان رەسپۋبليكا­سىنداعى توتەنشە جانە وكىلەتتى ەلشىسى سايديكرام نيازحودجاەۆقا بەرىلدى.

«تۇركى وركەنيەتىنىڭ وركەندەۋىنە ەرەكشە ۇلەس قوسقان الىشەر ناۋاي بابا­مىزدىڭ ەڭبەگىن قالاي دارىپتەسەك تە جاراسادى. سىزدەر ءۇشىن اباي – رۋحا­نيات­­تىڭ بيىك شىڭى بولسا، ءبىز ءۇشىن الىشەر ناۋاي بابامىز – كەمەڭ­گەرلىكتىڭ كەنىشى. بۇگىنگى وسىنداي يگى ىسكە مۇرىندىق بولعان حالىقارالىق تۇركى اكادەمياسىنا العىسىمدى ايتامىن. كە­مەڭگەر الىشەر ناۋاي ەسىمى، ونىڭ شى­عار­مالارى قازاق حالقى اراسىنا دا كەڭ تاراعاندىعى كوپكە ايان.  قازاق پوە­زياسىنىڭ شۇعىلالى شىڭى، دانىش­پان اقىن اباي قۇنانباي ۇلى كەسەل مەن كەساپاتتىڭ اراجىگىن جىرمەن اجىراتىپ، جىكتەپ بەرىپ، ەلدىڭ ەرتەڭىنە الاڭداپ وتسە، ءناۋايدىڭ ءىن­جۋ-مارجاندارىنان ىزگى­لىكتىڭ سامالى ەسەدى. سوندىقتان ءبىر اتا­نىڭ ەگىز بالاسىنداي قوس عۇلامانىڭ شىعار­ماشىلىعىن ناسيحاتتاپ، ۇرپاق سانا­سىنا ءسىڭىرۋىمىز قاجەت»، دەدى س.نياز­حودجاەۆ.

ەستەرىڭىزدە بولسا، بىلتىر اكادە­ميا­نىڭ جەتەكشىلىك ەتۋىمەن الىشەر ناۋاي­دىڭ «حامساسى» قازاق تىلىنە، ۇلى اباي­دىڭ شىعارمالارى وزبەك تىلىنە  اۋدارىلىپ، جارىق كوردى. قازاقستان رەس­پۋبليكاسى پارلامەنت سەناتىنىڭ توراعاسى ماۋلەن اشىمباەۆ پەن وزبەك­ستان رەسپۋبليكاسى پارلامەنتى سەنا­تىنىڭ ءتورايىمى تانزيلا نورباەۆا قاتىسقان جيىندا «حامسانىڭ» تۇساۋ­كەسەرى جاسالعان بولاتىن.

 شارا بارىسىندا «توگىلدى جىر تاسقىنى تارتىپ ارنا، مۇحيتتاي تۇركى ءسوزى تاۋسىلار ما» دەپ ۇلى الىشەر ناۋاي بابامىز جىرلاعانداي جاۋھار قازىنا «ەسكەندىر قورعانى»، ء«لايلى ءماجىن» قوس داستانىن قازاق تىلىندە سويلەتكەن، مەملەكەتتىك سىيلىقتىڭ لاۋرەاتى، نۇر-سۇلتانداعى س.سەي­فۋل­لين مۋزەيىنىڭ ديرەكتورى، كور­نەك­­تى اقىن نەسىپبەك ايت ۇلى اعىنان جارىلا سويلەدى.

«ناۋاي وزبەكتىڭ عانا اقىنى ەمەس. ول – بارشا ادامزاتقا ورتاق تۇلعا. اقىننىڭ وي-تولعامدارى مەن وسيەتى بارشا تۇركى جۇرتىنا ارنالعان دەسەك تە، ارتىق بولا قويماس. ونىڭ بولاشاق ۇر­پاققا قالدىرىپ كەتكەن ولشەۋسىز مۇراسى ءالى دە زەرتتەۋدى قاجەت ەتەدى. كەزىندە ايتۋلى اقىن قاليجان بەك­حوجين بابامىزدىڭ ءبىراز ەڭبەگىن قازاقشا سويلەتكەن ەدى. بۇگىن سول ءداس­تۇردىڭ ىزگى جولى جالعاسۋدا. اللا عۇ­مىر بەرسە، ءناۋايدىڭ داڭقتى تۋىن­دىلارىن انا تىلىمىزدە ايشىقتاپ، قازاق جاستارىنىڭ رۋحاني يگىلىگىنە ۇسى­نامىن»، دەدى ن.ايت ۇلى.

ونلاين ءارى وفلاين رەجىمدە وت­كەن جيىندا پارلامەنتى ءماجى­لىسى­نىڭ دەپۋتاتى فاحريددين كا­راتاەۆ، الىشەر ناۋاي اتىنداعى تاش­كەنت وزبەك ءتىلى جانە ادەبيەتى ۋنيۆەرسي­تەتىنىڭ رەكتورى، پروفەسسور، فيلو­لوگيا عىلىمدارىنىڭ دوكتورى شۋحرات سيروجيددينوۆ، مي­چي­گان ۋني­ۆەرسيتەتى جانىنداعى ەۋروپا، رەسەي جانە ەۋرازيالىق زەرتتەۋلەر ورتالىعى ديرەكتورىنىڭ ورىنباسارى، پروفەسسور تيمۋر قوجاوعلۋ، وزبەكستان رەسپۋبليكاسى مەملە­كەت­تىك سىيلىعىنىڭ لاۋرەاتى، اقىن، جازۋ­شى، قوعام قايراتكەرى مۇحاممەد ءالي، ەۋرازيا جازۋشىلار وداعىنىڭ توراعاسى ياكۋپ ومەروگلۋ، باكۋ ۇلتتىق ۋنيۆەرسيتەتى ادەبيەت كافەدراسىنىڭ مەڭگەرۋشىسى، پروفەسسور راميز اس­كەر، قىرعىزستانداعى جالال-اباد مەم­لەكەت­تىك ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى يبرايم ابدۋۆاليەۆ، ىستانبۇل مادەنيەت ۋنيۆەر­سيتەتىنىڭ پروفەسسورى ۆاحيت تۇرك جانە تۇركى ەل­دەرىنىڭ بەلگىلى مەملەكەت جانە قوعام قايراتكەرلەرى تىلەك ءبىلدىرىپ، بابا ميراسى حاقىندا تەرەڭ اڭگىمە ءوربىتتى.

ايتا كەتەيىك، اكادەميا عۇلاما بابامىز  الىشەر ءناۋايدىڭ 580 جىل­دىعىنا وراي  الداعى ۋاقىتتا بىرنەشە شارا  وتكىزۋدى جوسپارلاپ وتىر. اتاپ ايتساق، الى­شەر ناۋاي اتىنداعى تاش­كەنت وزبەك ءتىلى جانە ادەبيەتى ۋني­ۆەر­سيتەتىمەن بىرلەسىپ، ۇلى اقىنعا ار­نالعان حالىق­ارالىق كونفەرەنتسيا وتكىزبەك. سونداي-اق كەمەڭگەر وي­شىلدى زەرتتەۋگە، تار­جى­مالاۋعا، ناسي­حاتتاۋعا جان-جاقتى قولداۋ كور­سەتەدى. «ورتاق تۇركى ادەبيە­تى» وقۋ­ل­ىعىندا الىشەر ناۋاي ءومىرى مەن شىعارماشىلىعىنا كولەمدى ورىن بەرىلدى. ەڭ كەرەمەتى الىشەر ءناۋاي­دىڭ ءتىل، تاريح، ونەر تۋرالى باعالى زەرت­تەۋلەرى قازاق تىلىنە اۋدارىلاتىن بولادى.

جيىن سوڭىندا شىعىس جۇلدى­زىنىڭ رۋحىنا ار­نالعان بەينەروليك كورسەتىلىپ، قاتىسۋشىلار ەستەلىك سۋرەتكە ءتۇسىپ، تارقاستى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار