اتاپ ايتقاندا, 4 ساۋىردەن 4 مامىر ارالىعىندا ماڭگىلىك ەل داڭعىلى مەن سىعاناق كوشەسىنىڭ قيىلىسىنداعى كولىك ايرىعىندا جول جابىنىنا ورتاشا جوندەۋ جۇرگىزىلەدى. قوزعالىس ءىشىنارا شەكتەلەدى.
- 5 ءساۋىرى مەن ماۋسىم ايى ارالىعىندا ە68 كوشەسىنىڭ ا. بەكتۇروۆ كوشەسىنەن تولە بي كوشەسىنە دەيىنگى ۋچاسكەسىندە قۇرىلىس جۇمىستارىنىڭ باستالۋىنا بايلانىستى اۆتوكولىك قوزعالىسى تولىقتاي جابىلادى.
- ب. سوقپاقباەۆ كوشەسىنىڭ ش. بەيسەكوۆا كوشەسىنەن ك. كۇمىسبەكوۆ كوشەسىنە دەيىنگى ۋچاسكەسىندە قۇرىلىس جۇمىستارى جالعاسادى. اتالعان ۋچاسكەدە كولىك قوزعالىسى 5 ساۋىردەن باستاپ قاراشا ايىنا دەيىن تولىقتاي شەكتەلەدى.
- «ابايدىڭ 150 جىلدىعى كوشەسىن تىلەنديەۆ داڭعىلىنان بەيبارىس سۇلتان كوشەسىنە دەيىن سالۋ» جوباسى ىسكە اسىرىلا باستايدى. جوبا اياسىندا بەيبارىس سۇلتان كوشەسىنەن سۇلۋكول كوشەسىنە دەيىنگى ارالىق 5 ساۋىردەن 10 قازانعا دەيىن قوزعالىس ءۇشىن تولىق جابىلادى.
سونىمەن قاتار, كەنەسارى كوشەسىندە ا. سەمبينوۆ كوشەسىنەن سارىارقا داڭعىلىنا دەيىنگى ۋچاسكەدە ورتاشا جوندەۋ جۇمىستارى باستالادى (2025 جىلى كەنەسارى كوشەسىندە ە. برۋسيلوۆسكي كوشەسىنەن ءا. سەمبينوۆ كوشەسىنە دەيىن جوندەۋ جۇمىستارى جۇرگىزىلگەن). جۇمىستار 5–20 ءساۋىر ارالىعىندا كەزەڭ-كەزەڭىمەن جۇرگىزىلىدەدى.
قازىرگى ۋاقىتتا م. تىنىشباەۆ كوشەسىندە ا. بايتۇرسىنوۆ كوشەسىنەن ج. ناجىمەدەنوۆ كوشەسىنە دەيىنگى ارالىقتا دا جۇمىستار جۇرگىزىلۋدە.
تولىق جابىلاتىن ۋچاسكەلەردە اۆتوكولىك قوزعالىسى بالامالى باعىتتار ارقىلى ۇيىمداستىرىلادى.
جابۋ سىزبالارى كارۋسەلدە ۇسىنىلعان.
جوعارىدا اتالعان شەكتەۋلەرگە بايلانىستى قالا تۇرعىندارى مەن قوناقتارىنان جولداعى كەپتەلىستەردى ازايتۋ ماقساتىندا قوزعالىس باعىتتارىن الدىن الا جوسپارلاۋدى سۇرايمىز. ۋاقىتشا قولايسىزدىقتار ءۇشىن كەشىرىم سۇرايمىز جانە جۇرگىزىلىپ جاتقان جول-قۇرىلىس جۇمىستارىنا تۇسىنىستىكپەن قاراۋدى وتىنەمىز.
جاقىن ۋاقىتتا جوسپارلانعان جۇمىستار:
• اقان سەرى كوشەسى (تىلەنديەۆ داڭعىلىنان قارامەندە بي شاقا ۇلى كوشەسىنە دەيىن);
• الاش تاسجولى (69-كوشەدەن «استانا قالاسىنىڭ اينالما جولىنا» دەيىن);
• جاركەنت كوشەسى (ش. قۇدايبەردى ۇلى كوشەسىنەن حانتاۋ كوشەسىنە دەيىن);
• جانارىس كوشەسى (سىلەتى كوشەسىنەن ش. قۇدايبەردى ۇلى كوشەسىنە دەيىن);
• 489-كوشە (اباتتاندىرۋ جۇمىستارى), سونداي-اق باسقا دا ۋچاسكەلەر.
اتالعان كوشەلەردەگى قوزعالىسقا ۋاقىتشا شەكتەۋلەر ەنگىزۋ مەرزىمدەرى تۋرالى اقپارات قوسىمشا رەسمي دەرەككوزدەردە جاريالانادى.
