فوتو: ادىلەت مينيسترلىگى
الماتى قالاسى پوليتسيا دەپارتامەنتىمەن (كيبەرپوليتسيا) بىرلەسىپ جۇرگىزىلگەن تەكسەرۋ بارىسىندا «Nesquik» تاۋار بەلگىسىن زاڭسىز پايدالانۋ فاكتىسى بويىنشا قالا اۋماعىندا تىركەلگەن تاۋار بەلگىسىمەن شاتاستىرۋ دارەجەسىنە دەيىن ۇقساس بەلگىلەردى زاڭسىز پايدالانۋ ارقىلى ونىمدەر وتكىزىلگەن. ناتيجەسىندە زاڭسىز اينالىمنان جالپى قۇنى 4 ميلليون تەڭگەدەن اساتىن 2000-نان استام زاڭسىز ءونىم تاركىلەندى.
سونداي-اق الماتى قالاسى ادىلەت دەپارتامەنتىمەن جوسپاردان تىس تەكسەرۋ شەڭبەرىندە «Louis Vuitton» تاۋار بەلگىسىن زاڭسىز پايدالانۋ فاكتىلەرى انىقتالدى. ونىمدەردىڭ ساپاسىنىڭ تومەن ەكەنى جانە زاڭناما تالاپتارىن بۇزا وتىرىپ ساتىلعانى بەلگىلەندى. زاڭسىز اينالىمنان جۇزدەگەن كونترافاكتىلىك ءونىم تاركىلەندى.
انىقتالعان قۇقىقبۇزۋشىلىقتار بويىنشا اكىمشىلىك حاتتامالار تولتىرىلىپ, كىنالى تۇلعالاردى جاۋاپكەرشىلىككە تارتۋ ءۇشىن ماتەريالدار سوتقا جولداندى.
ادىلەت ورگاندارى جۇرگىزىپ وتىرعان جۇمىس ادال باسەكەلەستىكتى قامتاماسىز ەتۋگە, قۇقىق يەلەنۋشىلەردىڭ قۇقىقتارىن قورعاۋعا جانە كونترافاكتىلىك ءارى الەۋەتتى قاۋىپتى ونىمدەردىڭ اينالىمىنىڭ الدىن الۋعا باعىتتالعان.
