فوتو: Sputnik.kz (تەلەگرام)
روبوت-قاسقىر كۇن ەنەرگياسىمەن جۇمىس ىستەيتىن پانەلدەرمەن, داتچيكتەرمەن جانە دىبىس شىعاراتىن قۇرىلعىلارمەن جابدىقتالعان. ول 50-دەن استام ءتۇرلى دىبىستى شىعارىپ, 1 كم-گە دەيىنگى قاشىقتىقتا اسەر ەتە الادى. قۇرىلعى جانۋار جاقىنداعان كەزدە اۆتوماتتى تۇردە ىسكە قوسىلادى.
ءوندىرۋشى كومپانيانىڭ مالىمەتىنشە, الداعى ۋاقىتتا روبوتتىڭ جاڭا نۇسقاسى ازىرلەنىپ جاتىر. جاڭارتىلعان مودەل دوڭگەلەكپەن قوزعالىپ, اۋماقتاردى وزدىگىنەن پاترۋلدەۋگە قابىلەتتى بولادى.
روبوتتاردىڭ نەگىزگى تۇتىنۋشىلارى – فەرمەرلەر مەن اۋىل شارۋاشىلىعى جەرلەرىنىڭ يەلەرى. مۇنداي تەحنولوگياعا سۇرانىستىڭ ارتۋى سوڭعى جىلدارى ايۋلاردىڭ ەلدى مەكەندەرگە ءجيى كەلۋىمەن بايلانىستى. رەسمي دەرەكتەرگە سايكەس, جاپونيادا سوڭعى جىلدارى ايۋ شابۋىلىنان 13 ادام قازا تاپقان.
بۇعان دەيىن قىتايدا پوليتسەيلەردى روبوتتاردىڭ الماستىرۋى تۋرالى جازعانبىز.
