فوتو: اشىق دەرەككوز
سونىمەن قاتار وزبەكستاننان كەلەتىن ميگراتسيالىق ءوسىم ارتقان. سوڭعى ەكى جىلدا بۇل ەلمەن اراداعى وڭ سالدو جىلىنا شامامەن 12 مىڭ ادامعا جەتتى.
الايدا ساراپشىلاردىڭ ايتۋىنشا, جالپى ستاتيستيكانىڭ جاقسارۋى بىلىكتى كادر تاپشىلىعى شەشىلدى دەگەندى بىلدىرمەيدى. 2021-2025 جىلدارى كاسىبي ماماندار اراسىنداعى جيىنتىق ءوسىم نەبارى 374 ادام بولعان.
ەڭ ۇلكەن شىعىن تەحنيكالىق ماماندار اراسىندا تىركەلدى. سوڭعى بەس جىلدا ەلدەن كەتكەن ينجەنەرلىك جانە تەحنيكالىق كادرلار سانى كەلگەندەردەن 2,1 مىڭ ادامعا كوپ بولعان. سونىمەن قاتار ەكونوميستەر, پەداگوگتەر مەن مەديتسينا قىزمەتكەرلەرى اراسىندا دا تەرىس كورسەتكىش ساقتالعان.
ساراپشىلار قازاقستان ءالى دە جوعارى بىلىكتى ماماندار ءۇشىن تولىق تارتىمدى ەلگە اينالا الماعانىن ايتادى. تابىس دەڭگەيى, مانساپتىق مۇمكىندىك, عىلىمي ورتا مەن ءبىلىم ساپاسى بويىنشا دامىعان ەلدەرمەن ايىرماشىلىق ساقتالىپ وتىرعاندىقتان, «مي اعىمى» ماسەلەسى وزەكتى كۇيىندە قالىپ وتىر.
