فوتو: اقوردا
«قازىر وسى سالادا اۋقىمدى جۇمىس اتقارىلىپ جاتىر. پرەزيدەنت جانىنداعى شەتەلدىك ينۆەستورلار كەڭەسى قۇرىلدى. ارنايى ينۆەستيتسيالىق شتاب جۇمىس ىستەپ تۇر. ء«بىر تەرەزە» قاعيداتىنا ساي قىزمەت كورسەتەتىن ۇلتتىق تسيفرلىق پلاتفورما ىسكە قوسىلدى», دەدى مەملەكەت باسشىسى.
پرەزيدەنت بىرەگەي ۆيزا تۋرالى تىلگە تيەك ەتتى.
«سونداي-اق شەتەلدىك كاسىپكەرلەر Altyn Visa باعدارلاماسىنىڭ يگىلىگىن قولدانا الادى. بىرەگەي ۆيزانىڭ نەگىزگى ماقساتى – ينۆەستورلارعا سالىق جانە كوشى-قون جەڭىلدىكتەرىن ۇسىنۋ. تۇرىك كاسىپكەرلەرىن وسى مۇمكىندىكتى پايدالانۋعا شاقىرامىن. ەلوردامىزدا استانا حالىقارالىق قارجى ورتالىعى (AIFC) بەلسەندى جۇمىس ىستەپ جاتقانىن بىلەسىزدەر. بۇل – ينۆەستورلار مەن كاسىپكەرلەرگە جان-جاقتى قولداۋ كورسەتۋ ءۇشىن قۇرىلعان ايماقتاعى جەتەكشى حاب. ورتالىق ىستانبۇل, لوندون, دۋباي جانە نيۋ-يورك قارجى ورتالىقتارىنىڭ ۇزدىك تاجىريبەسىن قولدانا وتىرىپ, اعىلشىن قۇقىعىنا سايكەس جۇمىس ىستەيدى. مۇندا 90-عا جۋىق ەلدىڭ 5 600-دەن استام كومپانياسى تىركەلگەن. سونىڭ ىشىندە قارجى, ساۋدا, قۇرىلىس جانە باسقا دا سالالاردا جۇمىس ىستەيتىن 73 تۇرىك كومپانياسى بار.
قاسىم-جومارت توقاەۆ پەن رەجەپ تايپ ەردوعان قازاقستان-تۇركيا بيزنەس فورۋمىنا قاتىستى
قاسىم-جومارت توقاەۆتىڭ ايتۋىنشا, بۇدان بولەك, استانا قارجى ورتالىعى مەن «بورسا ىستانبۇل» بيرجاسىنىڭ اراسىنداعى سەرىكتەستىك نىعايىپ كەلەدى.
«قازاقستان تۇرىك بيزنەسىمەن بايلانىستى كەڭەيتە بەرۋگە مۇددەلى. ءبىزدىڭ بىلۋىمىزشە, تۇركيادا پرەزيدەنت رەجەپ تايپ ەردوعاننىڭ باستاماسىمەن ۇلتتىق ەكونوميكاعا اۋقىمدى ينۆەستيتسيا تارتۋ ءۇشىن ناقتى شارالار قابىلداناتىن بولدى. لايىقتى كاسىپكەرلەرگە بىرقاتار جەڭىلدىك پەن ارتىقشىلىقتار بەرىلەدى ەكەن. ءبىز بۇل باستامانى مىندەتتى تۇردە ساراپتايمىز, قاجەتتى تۇستارىن پايدالانۋعا تىرىسامىز», دەدى پرەزيدەنت.
توقاەۆ پەن ەردوعان بۇۇ ءرولىن كۇشەيتۋ تۋرالى ورتاق بايلامعا كەلدى
