ساياسات • 29 قىركۇيەك، 2020

قازاقستان-گەرمانيا ىنتىماقتاستىعىنىڭ ماسەلەلەرى تالقىلاندى

13 رەت كورسەتىلدى

مينيستر مۇحتار تىلەۋبەردى گەرمانيا فەدەراتيۆتىك رەسپۋبليكاسىنىڭ قازاقستانداعى ەلشىسى تيلو كليننەردى قابىلدادى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

تاراپتار ەقىۇ جانە بۇۇ اياسىنداعى ءوزارا ءىس-قيمىلدىڭ وزەكتى ماسەلەلەرى بويىنشا پىكىر الماسىپ، سونداي-اق ەكىجاقتى ساياسي جانە ينۆەستيتسيالىق ىنتىماقتاستىقتىڭ كەيبىر ماسەلەلەرىن تالقىلادى. اتاپ ايتقاندا، ساۋدا-ەكونوميكالىق ىنتىماقتاستىق جونىندەگى ۇكىمەتارالىق جۇمىس توبىنىڭ، ستراتەگيالىق ىنتىماقتاستىق جونىندەگى قازاقستان-گەرمان ىسكەرلىك كەڭەسىنىڭ جانە بەرلين ەۋرازيالىق كلۋبىنىڭ وسى ۇدەرىستەگى ماڭىزدى ءرولى اتاپ ءوتىلدى.

اڭگىمەلەسۋ بارىسىندا گۋمانيتارلىق سالاداعى ىنتىماقتاستىققا، ورتا ءبىلىم بەرۋ جۇيەسىندە جانە ءتيىستى ورتالىقتار جەلىسى ارقىلى نەمىس ءتىلىن وقىتۋدى كەڭەيتۋگە ەرەكشە نازار اۋدارىلدى. قازاقستانداعى شامامەن 200 مىڭ ادامنان تۇراتىن نەمىس دياسپوراسى جانە گەرمانياداعى 900 مىڭعا جۋىق «قازاقستاندىق» نەمىستەر تۇرىندەگى ەكى ەل اراسىنداعى «جاندى كوپىردىڭ» بولۋىنىڭ زور ماڭىزى اتاپ ءوتىلدى.

بۇگىنگى تاڭدا گەرمانيا قازاقستاننىڭ ەڭ ءىرى ساۋدا سەرىكتەستەرى مەن ينۆەستورلارىنىڭ ءبىرى بولىپ تابىلادى. 2019 جىلدىڭ قورىتىندىسى بويىنشا قر مەن گفر اراسىنداعى تاۋار اينالىمى 1،8 ملرد. اقش دوللارىن قۇرادى. سوڭعى 15 جىلدا گەرمانيادان قازاقستانعا تىكەلەي ينۆەستيتسيالار اعىنى شامامەن 5 ملرد اقش دوللارى بولدى.

قازاقستانعا نەمىس ينۆەستيتسيالارىنىڭ 90%-عا جۋىعى «شيكىزاتتىق ەمەس سەكتورعا»، ونىڭ ىشىندە شوب كاسىپورىندارىن قولداۋعا جانە دامىتۋعا جۇمسالادى.

قازاقستاندا گەرمان كاپيتالىنىڭ قاتىسۋىمەن 960-تان استام كاسىپورىن جۇمىس ىستەيدى. ولاردىڭ اراسىندا «SIEMENS»، «METRO»، «KNAUF»، «Heidelberg Cement»، «BASF»، «Linde AG»، «CLAAS»، «WILO» جانە باسقا دا ءىرى كومپانيالاردىڭ وكىلدەرى بار.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار