ايماقتار • 28 قىركۇيەك، 2020

تارازدا شەرحان مۇرتازا اتىنداعى اقىندار ءمۇشايراسى ءوتتى

36 رەت كورسەتىلدى

تاراز قالاسىندا كورنەكتى جازۋشى، ۇلت قايراتكەرى شەرحان مۇرتازانىڭ دۇنيە ەسىگىن اشقان كۇنىنە وراي جاريالانعان "شىننىڭ ءجۇزى – شەراعا" اتتى جاس اقىنداردىڭ وبلىستىق Online جىر-ءمۇشايراسى بۇگىن ءوز مارەسىنە جەتتى، دەپ حابارلايدى Egemen.kz

«شەرحان مۇرتازا اتىنداعى رۋحانيات جانە تاريحتانۋ» ورتالىعىنىڭ ءماجىلىس زالىندا وتكەن شاراعا ءوڭىردىڭ زيالى قاۋىم وكىلدەرى مەن جۇلدەگەرلەر قاتىستى. جەڭىمپازدار مەن جۇلدەگەرلەردى ماراپاتتاۋ راسىمىندە وبلىستىق ارداگەرلەر كەڭەسىنىڭ توراعاسى ەركىنبەك سولتىباەۆ، وبلىستىق بيلەر كەڭەسىنىڭ توراعاسى وڭلاسىن ەسىركەپوۆ، وبلىستىق "تاريحي-مادەني ەسكەرتكىشتەردى قورعاۋ جانە قالپىنا كەلتىرۋ ديرەكتسياسىنىڭ" ديرەكتورى قۋانىش داۋرەنبەكوۆ، "شەرحان مۇرتازا اتىنداعى رۋحانيات جانە تاريحتانۋ" ورتالىعىنىڭ ديرەكتورى ساۋران قاليەۆ جازۋشىنىڭ قايراتكەرلىك، جازۋشىلىق ءھام كىسىلىك كەلبەتى تۋرالى ءسوز قوزعاسا، ايتىسكەر اقىن احمەتجان وزبەكوۆ شەرحان مۇرتازانىڭ "اي مەن ايشا" شىعارماسى فيلمگە سۇرانىپ تۇرعانىن، كەلەشەكتە اتالعان تۋىندىنىڭ جەلىسىندە كينو تۇسىرىلسە دەگەن ۇسىنىسىن ايتتى.

جالپى، "شىننىڭ ءجۇزى – شەراعا" اتتى اقىندار دوداسىنا وڭىردەگى 15 پەن 30 جاس ارالىعىنداعى جاس اقىندار قاتىسىپ، باق سىناعان بولاتىن. جىر ءمۇشايراسىنىڭ باس جۇلدەسىن جەڭىپ العان جاس اقىن نۇرجان قادىرالىگە 500 مىڭ تەڭگەنىڭ سەرتيفيكاتى تابىستالىپ، ول قاراجاتقا جەڭىمپازدىڭ تۇڭعىش جيناعى جارىق كورەتىن بولدى. سونداي-اق، وسى كۇنى "شىننىڭ ءجۇزى – شەراعا" اتتى بەينەروليكتەردىڭ وبلىستىق Online بايقاۋىنىڭ دا جەڭىمپازدارى ماراپاتتالدى. بارشا جەڭىمپازدار مەن جۇلدەگەرلەرگە نوۋتبۋك، بەينەكامەرا، سمارتفون، پلانشەت جانە جازۋشىنىڭ كىتاپتارى تابىس ەتىلدى.

 

جامبىل وبلىسى    

 

 

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار