وبلىس اكىمىنىڭ ورىنباسارى ەرجان جىلقىباەۆتىڭ توراعالىعىمەن وتكەن جيىندا دا وسى ماسەلە قارالدى. الايدا, وڭىردەگى بىرقاتار نىساندار ءالى دە قىسقى جىلىتۋ ماۋسىمىنا دايىن بولماي وتىر ەكەن. وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى ءجانادىل ايتبەكوۆ وبلىستاعى الەۋمەتتىك نىسانداردىڭ قىسقا دايىندىعىن باياندادى.
"وبلىس بويىنشا 783 ءبىلىم نىسانىنىڭ 754-ءى قىسقى ماۋسىمعا دايىن. دەگەنمەن, اعىمداعى جانە كۇردەلى جوندەۋدەن ءوتىپ جاتقان 29 نىسان جىلىتۋ ماۋسىمىنا دايىن ەمەس. دەنساۋلىق ساقتاۋ نىساندارى بويىنشا 389 دەنساۋلىق ساقتاۋ نىسانىنىڭ 372-ءسى دايىن بولسا, 17 نىسان جىلىتۋ ماۋسىمىنا دايىن بولماي وتىر", دەدى ول.
ونىڭ ايتۋىنشا, وبلىستا 494 مادەنيەت نىسانى بار بولسا, ونىڭ 493-ءى دايىن ەكەن. تەك تاراز قالاسىنداعى وبلىستىق ش.ءۋاليحانوۆ اتىنداعى كىتاپحانانىڭ اعىمداعى جوندەۋ جۇمىستارى بۇگىنگى كۇنگە دەيىن جۇرگىزىلۋدە. بىراق, ول 25 تامىز كۇنى اياقتالۋ كەرەك بولعان. جيىندا ەرجان جىلقىباەۆ بەرىلگەن تاپسىرمالاردى كورسەتىلگەن مەرزىمدە تولىعىمەن اياقتاۋدى تاپسىردى.
جامبىل وبلىسى
