"اتىراۋ وبلىسىنىڭ اۋماعىندا 2020 جىلعى 31 تامىز ساعات 00:00-دەن 14 قىركۇيەك ساعات 00.00-گە دەيىن شەكتەۋ شارالارى ۇزارتىلسىن. بەس جاسقا دەيىنگى بالالاردى, قوعامدىق تاماقتانۋ ورىندارىندا تاماقتانۋ جاعدايلارىن, جەكە جانە 5 ادامنان اسپايتىن توپتىق سپورتپەن اينالىساتىن ادامداردى قوسپاعاندا, الەۋمەتتىك قاشىقتىقتى مىندەتتى تۇردە ساقتاي وتىرىپ, قوعامدىق ورىنداردا, قوعامدىق ترانسپورتتا, حالىققا قىزمەت كورسەتۋ جانە دەمالۋعا ارنالعان عيماراتتاردا, اشىق اۋادا مەديتسينالىق نەمەسە ماتا بەتپەردەلەرىن كيۋ مىندەتتى", دەلىنگەن قاۋلىدا.
سونداي-اق تۇرعىندار مەن اۆتوكولىكتەر قوزعالىسىنا ساعات 00:00-دەن 6:00 ارالىعىندا جۇرۋگە, دۋماندى, اۋقىمدى سپورتتىق شارالار, كورمەلەر, فورۋم, كونفەرەنتسيا, وتباسىلىق, ەسكە الۋ (بانكەت, توي, مەرەيتوي, ساداقا), ونىڭ ىشىندە ۇيدە جانە ادامدار كوپ جينالاتىن وزگەدە شارالاردىڭ وتكىزىلۋىنە, ويىن-ساۋىق ورتالىقتارىنىڭ (بيليارد, كومپيۋتەرلىك كلۋب, كاليان, بۋكمەكەرلىك كەڭسەلەر, تۇنگى كلۋبتار, بوۋلينگ ورتالىقتار, كينوتەاترلار جانە باسقا دا ويىن-ساۋىق مەكەمەلەرىنىڭ), فۋدكورت, بانكەت زالدارى, بار, كاراوكە, قوعامدىق جاعاجايلاردىڭ, اكۆاپاركتەردىڭ, اتتراكتسيونداردىڭ قىزمەتىنە, ادامداردىڭ جاپپاي جينالۋىن بولدىرماۋ ءۇشىن الاڭداردا, ساياباقتاردا, سكۆەرلەردە, جاعالاۋلاردا ۋاقىتشا شاعىن بولشەك ساۋداعا, بالالاردىڭ ويىن, جىلجىمالى قۇرالدارىن جالعا بەرۋگە تىيىم سالىندى.
