رۋحانيات • 13 تامىز، 2020

ونلاين-سورەدە – ويلى كىتاپتار

51 رەت كورسەتىلدى

جۋىردا قازاق تىلىندەگى ساپالى كىتاپ­تاردى ساتاتىن akel.kz ينتەرنەت-دۇكەن­نىڭ قىزمەتى ىسكە قوسىلدى. جازۋشى، كاسىپكەر ارمان المەنبەتتىڭ ءتول جوباسى تەك قازاقتىلدى اۋديتوريانى قامتۋىمەن ەرەكشە دەۋگە بولادى. ەڭ قولايلىسى، ۇيدە وتىرىپ اتالعان سايت ارقىلى قالاعان كىتابىڭىزعا تاپسىرىس بەرسەڭىز، كىتاپ ۇيىڭىزگە ءوز اياعىمەن كەلەدى.

تاڭداۋلى كىتاپتاردى ساتاتىن تاماشا دۇكەندە قازىرگى تاڭدا وتىزدان ارتىق بەستسەللەر بار. ونلاين-سو­رەلەردە  قاراعاندىلىق كاسىپكەر، «ناتيجە» ءسۇت كوم­پانياسىنىڭ باسشىسى ەرلان ءاشىمنىڭ قولداۋىمەن جارىق كورىپ جاتقان كىتاپتاردى دا تاۋىپ الۋعا بولادى. اتاپ ايتساق ب.سوقپاقباەۆتىڭ «مەنىڭ اتىم قوجا»، د.يسا­بەكوۆتىڭ «گاۋھارتاس»، م.بۋل­گاكوۆتىڭ «يت جۇرەگى» ت.ب. كىتاپتارى جاڭا دۇكەننىڭ ءىشىن سانگە بولەپ تۇر.

بۇل رەتتە م. بۋلگاكوۆتىڭ «يت جۇرەگى» كىتابى جازۋشى، عالىم كەنجەباي احمە­توۆتىڭ اۋدارماسىمەن تۇڭ­عىش رەت قازاق تىلىندە جارىق كورىپ وتىرعانىن ايتا كەتكەن ءجون. «بولاشاقتا عىلىمي كىتاپتاردىڭ وسى ونلاين-سورەدەن تابىلۋىنا كۇش سالامىز. عالىمدار ءوز ەڭبەكتەرىن جازۋىن جازادى، بىراق ونىڭ تارالۋىنا، وقىرمانعا جەتۋىنە جۇمىس ىستەلمەي قالادى. ءبىز وسى ولقىلىقتىڭ ورنىن تولتىرعىمىز كەلەدى. كى­تاپ­ان بولەك پايدالى ۆيدەو-سا­باقتار دا وسى دۇكەن ار­قىلى ساتىلىمعا شىعادى. جىل سوڭىنا دەيىن 100-200 كىتاپپەن تولىعامىز»، دەيدى دۇكەن يەسى ا.المەنبەت.

«Akel.kz» از  عانا ۋاقىت­تىڭ ىشىندە تۇتىنۋشى­لا­رىنان تاماشا تىلەك تە جي­ناپ ۇلگەرگەن. «سايت وتە ىڭ­عايلى، قىزدىڭ جيعان جۇ­گىندەي. قىزمەتى دە وتە جە­ڭىل، تۇسىنىكتى. كىرىپ كورسەڭىزدەر بولادى. ءدال قازىر كىتاپقا، رۋحانياتقا جانى اشيتىن ازاماتتار جارىسا جارنامالاپ، قولداۋى ءتيىس ءبىر نارسە بولسا، ول – akel.kz ينتەرنەت-دۇكەنى دەر ەدىك.

بۇل دۇكەن ينتەرنەت كە­ڭىستىكتە ولقى سوعىپ تۇرعان بوس ورىندى ناعىز قاجەت ۋاقىتىندا تولتىردى. ەندى ونى اياعىنان تۇرعىزۋعا اتسالىسۋ ءبىزدىڭ مىندەت»، دەيدى كىتاپسۇيەر كوپشىلىك.

رۋحاني شولىركەگەن قا­ۋىمعا تاپتىرمايتىن تاماشا رەسۋرس. مىنە، قازاقتىلدى كىتاپ نارىعى وسىلاي قانات جايىپ كەلەدى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار