سۋرەت: basnews.kz
كونفەرەنتسيا قىزىلوردا وبلىسى اكىمدىگىنىڭ, تۇركسوي حالىقارالىق ۇيىمىنىڭ قولداۋىمەن, سونداي-اق قازاقستان رەسپۋبليكاسىنىڭ ۇلتتىق مۋزەيى مەن قىزىلوردا وبلىستىق تاريحي-ولكەتانۋ مۋزەيىنىڭ قاتىسۋىمەن تۇرىك جانە يسلام ونەرى مۋزەيىندە ۇيىمداستىرىلدى. كونفەرەنتسيا جۇمىسىنا قازاقستاندىق جانە تۇركيالىق عالىمدار, ساراپشىلار مەن مادەنيەت قاۋىمداستىعىنىڭ وكىلدەرى قاتىستى.
كونفەرەنتسيادا ءسوز سويلەگەن سەناتور ورتاق تاريحي مۇرانىڭ ماڭىزدىلىعىن اتاپ ءوتىپ, تۇركى الەمىنىڭ قالىپتاسۋىنداعى وعىز وركەنيەتىنىڭ ەرەكشە رولىنە توقتالدى.
«تۇركى حالىقتارىن ورتاق تاريحي تامىرلار, ءتىل, مادەنيەت جانە رۋحاني قۇندىلىقتار بىرىكتىرەدى. وعىز مۇراسىنىڭ ورنى بولەك, ويتكەنى قازىرگى قازاقستان اۋماعىنان باستالعان ۇدەرىستەر انادولىداعى مەملەكەتتىلىكتىڭ قالىپتاسۋىنا تىكەلەي اسەر ەتتى. بۇگىندە قازاقستان مەن تۇركيا تاريحي بىرلىككە سۇيەنە وتىرىپ, ستراتەگيالىق سەرىكتەستىكتى نىعايتىپ, تۇراقتى ءىس-قيمىلدىڭ ۇلگىسىن كورسەتىپ وتىر», دەپ اتاپ ءوتتى رۋسلان رۇستەموۆ.
سەناتور سونداي-اق مۇنداي ءىس-شارالاردى وتكىزۋ تۇركى الەمىنىڭ رۋحاني بىرلىگىن نىعايتۋعا جانە ورتاق تاريحي-مادەني مۇرانى ساقتاۋعا سەپتىگىن تيگىزەتىنىن جەتكىزدى. ونىڭ ايتۋىنشا, وعىز تاقىرىبى عىلىمي زەرتتەۋلەر مەن گۋمانيتارلىق ىنتىماقتاستىقتىڭ ماڭىزدى باعىتى بولىپ قالا بەرەدى.
ارحەولوگيالىق زەرتتەۋلەرگە, سونىڭ ىشىندە جانكەنت قالاشىعىن زەرتتەۋگە, سونداي-اق مۋزەي ينفراقۇرىلىمىن دامىتۋ جانە تاريحي-مادەني مۇرا نىساندارىن حالىقارالىق دەڭگەيدە ىلگەرىلەتۋ جوبالارىن ىسكە اسىرۋعا ەرەكشە نازار اۋدارىلدى.
قورىتىندىلاي كەلە, قاتىسۋشىلار ەلدەر اراسىنداعى عىلىمي ديالوگتى دامىتۋ جانە مادەني بايلانىستاردى نىعايتۋ ءۇشىن مۇنداي الاڭداردىڭ ماڭىزدىلىعىن اتاپ ءوتتى.
