اۋقىمدى مادەني جوبا تۇركى وركەنيەتىنىڭ تاريحي تامىرىنا تەرەڭ بويلاتىپ, ۇلى دالا مەن انادولى اراسىنداعى مىڭجىلدىق رۋحاني جانە مادەني ساباقتاستىقتى ايشىقتاۋعا باعىتتالدى.
كورمەدە ۇلى دالا كەڭىستىگىنەن باستاۋ الىپ, تاريحى انادولى جەرىندە جالعاسقان وعىزداردىڭ رۋحاني-ماتەريالدىق مادەنيەتى ۇسىنىلدى. سىرداريا وعىزدارىنىڭ تاريحي-مادەني مۇراسى, ونىڭ ىشىندە ءبىزدىڭ زامانىمىزدىڭ ءVىى–حى عاسىرلارىندا ءومىر سۇرگەن ورتاعاسىرلىق داڭقتى جانكەنت, جەنت, سورتوبە قالاشىقتارىنان تابىلعان بىرەگەي ارحەولوگيالىق جانە ەتنوگرافيالىق جادىگەرلەر, سونىمەن قاتار قازىرگى تاڭدا قايتا جاڭعىرعان سىر ءوڭىرىنىڭ باس قالاسى – قىزىلوردانىڭ زاماناۋي جانە تاريحي تۋريستىك نىساندارى تۋرالى اقپاراتتار قويىلدى. اشىلۋ راسىمىنە تۇركيا رەسپۋبليكاسىنىڭ مادەنيەت جانە تۋريزم مينيسترلىگى مەن تۇركسوي حالىقارالىق ۇيىمى وكىلدەرى, قازاقستان رەسپۋبليكاسى ۇلتتىق مۋزەيى, قىزىلوردا وبلىسىنىڭ مادەنيەت, ارحيۆتەر جانە قۇجاتتاما باسقارماسىنىڭ باسشىلارى, وتاندىق جانە تۇركيالىق تاريحشى عالىمدار, باق وكىلدەرى مەن مۋزەي قىزمەتكەرلەرى قاتىستى.
ايتا كەتەيىك, اتالعان كورمە تۇركى مۇراسىنىڭ الەمدىك تاريحتاعى ءرولىن جاڭا قىرىنان تانىستىرىپ, حالىقارالىق دەڭگەيدە ناسيحاتتاۋ, عىلىمي ىنتىماقتاستىقتى نىعايتۋ, باۋىرلاس حالىقتار اراسىنداعى مادەني ديالوگتى دامىتۋ ماقساتىن كوزدەيدى.
ءىس-شارا اياسىندا حالىقارالىق عىلىمي كونفەرەنتسيا ۇيىمداستىرىلىپ, وعىز مۇراسىن زەرتتەۋدەگى وزەكتى ماسەلەلەر تالقىلاندى.
