ايماقتار • 05 شىلدە، 2020

اتىراۋدا قاتاڭ شەكتەۋ شارالارى ەنگىزىلدى

388 رەت كورسەتىلدى

بۇگىن وبلىستىڭ باس مەملەكەتتىك سانيتاريالىق دارىگەرى امانتاي جۇماعاليەۆتىڭ ارنايى قاۋلىسىمەن ەكى اپتالىق قاتاڭ شەكتەۋ شارالارى كۇشىنە ەندى، - دەپ جازادى Egemen.kz

جولداسبەك كوشەرباي ۇلى

قاۋلىعا سايكەس، وبلىس اۋماعىنداعى قاتاڭ شەكتەۋ شارالارى 5 شىلدە ساعات 00:00-دەن 19 شىلدە ساعات 00:00-گە دەيىن سوزىلادى. قالالار مەن اۋىلدار اراسىندا قوعامدىق كولىك قاتىناسى، تۇرعىندار مەن اۆتوكولىكتەر قوزعالىسى كەشكى ساعات 23:00 مەن تاڭعى ساعات 06:00 ارالىعىندا توقتادى.

"دۋماندى، اۋقىمدى سپورتتىق شارالار، كورمەلەر، فورۋم، كونفەرەنتسيا، سونداي - اق، وتباسىلىق ەسكە الۋ (بانكەت، توي، مەرەيتوي، ساداقا) جانە وزگە دە شارالار وتكىزىلۋىنە، ساعات 10:00-18:00 ارالىعىندا شەكتەۋ ۋاقىتىمەن قىزمەت ەتىپ جاتقان ازىق-ت ۇلىك سۋپەرماركەتتەرى مەن ءدارىحانالاردى قوسپاعاندا، ويىن-ساۋىق ورتالىقتارى، ساۋدا ۇيلەرى، ساۋدا جەلىلەرى، ويىن-ساۋىق ورتالىقتارىنىڭ (كاراوكە، بيليارد، كومپيۋتەرلىك كلۋب، تۇنگى كلۋبتار، بوۋلينگ ورتالىقتار، اتتراكتسيوندار، بالالار ويىن الاڭدارى، باتۋتتار جانە باسقالار)، كينوتەاترلار، بارلىق مادەني وشاقتار (تەاترلار، كونتسەرتتىك زالدار، مۋزەي، كورمەلەر جانە ت.ب.)، ءدىني ورىندار (مەشىت، شىركەۋ، عيباداتحانا، سيناگوگا جانە ت.ب.)، بالالار ساۋىقتىرۋ لاگەرلەرىنىڭ، مەكتەپكە دەيىنگى ۇيىمداردىڭ، بالالاردىڭ كوررەكتسيالىق كابينەتتەرىنىڭ، ءبىلىم ورتالىقتارىنىڭ، بالالاردى دامىتۋ ورتالىقتارىنىڭ، ۇيىرمەلەر، بالالارعا جانە ەرەسەكتەرگە ارنالعان كۋرستار، فۋدكورت، بانكەت زالدارىنىڭ، سپا ورتالىقتار، جاتتىعۋ زالدارى، فيتنەس ورتالىقتار، سپورتتىق – ساۋىقتىرۋ ورتالىقتارى، باسسەين، قوعامدىق مونشا، ساۋنا، سۇلۋلىق سالوندارى، شاشتاراز، كوسمەتيكالىق جانە كوسمەتولوگيالىق، مانيكيۋر، پەديكيۋر قىزمەتىن كورسەتەتىن ورتالىقتار مەن سالوندار، قالالىق جانە قوعامدىق جاعاجايلار، اكۆاپاركتەر قىزمەتىنە تىيىم سالىنسىن"، -دەلىنگەن ارنايى قاۋلىدا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز