ەرەۋىل لەيپتسيگ, باد-حەرسفەلدە, راينبەرگ, ۆەرنە جانە كوبلەنتستەگى وبەكتىلەردە وتەدى. جەكسەنبى كۇنى كاسىپوداق Amazon قىزمەتكەرلەرىن دۇيسەنبى جانە سەيسەنبى كۇنى پاندەميا كەزىندە قىزمەتكەرلەردىڭ قاۋىپسىزدىگى مەن دەنساۋلىعىن قورعاۋعا كەپىلدىك بەرەتىن "جاقسى جانە سالاۋاتتى جۇمىس" تاريفتىك شارتىن جاسۋ ءۇشىن ەرەۋىل وتكىزۋگە شاقىردى.
ء"بىز ەندى تالابىمىزدى قاتاڭداتامىز, ويتكەنى Amazon تۇسىنىستىك تانىتپادى جانە كونتسەرندى بايىتۋ ماقساتىندا قىزمەتكەرلەردىڭ دەنساۋلىعىنا قاۋىپ توندىرەدى", - دەپ مالىمدەدى كاسىپوداق وكىلى. ول باد-حەرسفەلدتەگى Amazon وبەكتىسىندە كوروناۆيرۋستىڭ سوڭعى دەرەكتەرىن اتاپ ءوتتى. ء"بىزدىڭ اقپاراتىمىز بويىنشا, وندا كەم دەگەندە 30-40 ارىپتەس جۇقتىردى", - دەدى ول. بۇدان باسقا, كاسىپوداق ەڭبەكاقى تولەۋدى ارتتىرۋدى تالاپ ەتەدى.
ەرەۋىلگە قانشا ادام قاتىساتىنى ازىرگە بەلگىسىز. لوگيستيكالىق ورتالىقتا 400-450 ادام جۇمىسىن توقتاتتى. كاسىپوداق بولجامىنشا, لەيپتسيگتە ەرەۋىلگە قىزمەتكەرلەردىڭ تاعى وسىنداي سانى قوسىلادى.
