ءبىرىنشى. قالانىڭ سانيتارلىق دارىگەرى ج.پىراليەۆانىڭ شەشىمىمەن 23 ماۋسىمنان باستاپ بارلىق مەملەكەتتىك جانە جەكە بالاباقشالاردىڭ جۇمىسى توقتاتىلدى. ەگەر بالالاردىڭ قاسىندا قالدىراتىن ەشكىم بولماسا, اتا-انالاردىڭ ءبىرى قاشىقتان جۇمىس رەجيمىنە اۋىسۋى كەرەك. كارانتين كەزەڭىندە بالالاردىڭ جالپى سانىنىڭ تەك 20%-ى بالاباقشالارعا (مەملەكەتتىك جانە جەكە) باردى. قابىلدانعان شارالار تەك بالالاردىڭ دەنساۋلىعىن ساقتاۋعا جانە ينفەكتسيانىڭ تارالۋ قاۋپىن ازايتۋعا باعىتتالعان.
ەكىنشى. 23 ماۋسىمنان باستاپ قالالىق ەمحانالاردا ۋاقىتشا جوسپارلى تاعايىنداۋلار مەن ناۋقاستاردى قاراۋ وتكىزىلمەيدى. مامانداردىڭ جوسپارلى كونسۋلتاتسيالىق كومەگى قاشىقتان جۇمىس فورماتىنا كوشىرىلدى. ديسپانسەرلىك ەسەپتە تۇرعان ادامدارعا ءدارى-دارمەكتەردى تاعايىنداۋ قاشىقتان جانە تاراتۋ ۇيگە جەتكىزۋمەن جۇزەگە اسىرىلادى. حالىقتى ۆاكتسيناتسيالاۋ ۇلتتىق ەكپە كۇنتىزبەسىنە سايكەس جوسپارلى تۇردە جۇرگىزىلەتىن بولادى. جۇكتى ايەلدەردى قابىلداۋ جانە ۋلترادىبىستىق سكرينينگ وزگەرىسسىز قالادى. قالانىڭ ەمحانالارىندا تەك جەدەل مەديتسينالىق كومەك جانە كۆي بەلگىلەرى بار ناۋقاستار قابىلدانادى.
ءۇشىنشى. حقكو-نىڭ جۇمىس كەستەسى تاڭعى 9-دان كەشكى 5-كە دەيىن قىسقارتىلدى. قالانىڭ سانيتارلىق دارىگەرى جاننا پىراليەۆا اتاپ وتكەندەي, تۇرعىندار ادام كوپ جينالاتىن ورىندارعا بارۋدان باس تارتىپ, قاتاڭ سانيتارلىق نورمالاردى ساقتاۋ كەرەك: ماسكا كيىپ, قاشىقتىق ساقتاۋ ماڭىزدى.
"بارلىق كاسىپورىندار جۇمىسى توقتاتىلعان "كارانتيندىك دەمالىس" قاجەتتى شارا بولدى. بارلىق ساياباقتار مەن الاڭدار جابىلدى, قوعامدىق كولىكتەر توقتاپ, ادامدار سەبەپسىز ۇيدەن شىققان جوق. تۇرعىندار نەمقۇرايدىلىق تانىتىپ, ينفەكتسيانىڭ اۋىرلىعىن جەتە تۇسىنبەيدى. سانيتارلىق نورمالارعا نەمقۇرايدى قاراعان جاعدايدا ءبىز "كارانتيندىك دەمالىستى" تاعى دا ەنگىزۋگە ءماجبۇر بولامىز. بارلىعى ماسكا كيىپ, الەۋمەتتىك قاشىقتىق ساقتاۋى كەرەك", – دەدى قالانىڭ سانيتارلىق دارىگەرى جاننا پىراليەۆا.
