بۇگىن ەلوردا اكىمى التاي كولگىنوۆ دەنساۋلىق ساقتاۋ مينيسترلىگىنىڭ باسشىسى - ءمينيستردىڭ مىندەتىن اتقارۋشى ءلاززات اقتاەۆامەن, جاۋاپتى حاتشى بوتاگوز جاقسەلەكوۆامەن, ۆيتسە - مينيستر ليۋدميلا بيۋرابەكوۆامەن, سونداي-اق زەرتحانا وكىلدەرىمەن, "فارماتسيا" سك, سانيتارلىق دارىگەرلەرمەن ونلاين-كەڭەس وتكىزدى. اكىمدىك پەن دەنساۋلىق ساقتاۋ مينيسترلىگى جول كارتاسىن بەكىتتى. ينفەكتسيانى جۇقتىرعاندارعا ۋاقتىلى كومەك كورسەتۋ ءۇشىن قالادا قوسىمشا 720 ورىن دايىندالدى.
اسكەري گوسپيتال جانە ت.ب. مەديتسينالىق مەكەمەلەر ستاتسيونارعا قايتا بەيىمدەلەدى. 112 مىڭنان استام جەكە قورعانىس قۇرالدارى ساتىپ الىندى. سونىمەن بىرگە وسى ايدا ستاتسيونارلارعا 30 وكپەنى جاساندى جەلدەتۋ اپپاراتتارى اكەلىنەدى. سونان سوڭ قوسىمشا تاعى 200 وكپەنى جاساندى جەلدەتۋ اپپاراتى الىنادى. سونىمەن قاتار پتر-تەستىلەۋ بويىنشا ءموبيلدى توپ قۇرىلادى. دەنساۋلىق ساقتاۋ باسقارماسى پتر-تەستىلەردى جيناۋ جانە وڭدەۋ بويىنشا زەرتحانالاردا جۇمىس ىستەۋ ءۇشىن مەديتسينالىق قىزمەتكەرلەردى وقىتادى.
ەلوردا اكىمى التاي كولگىنوۆ كوروناۆيرۋسقا قارسى كۇرەستە قولدانىلاتىن مەديتسينالىق پرەپاراتتار مەن جابدىقتاردىڭ قورىن دەر كەزىندە تولىقتىرۋ قاجەتتىگىن اتاپ ءوتتى.
