"جاقىندا ۇلت رۋحانياتىنىڭ كوسەمى احاڭنىڭ تۋعان جەرى (قوستاناي وبلىسى جانگەلدى اۋدانى) اقكولگە بارىپ قايتتىم. احاڭنىڭ كىندىك قانى تامعان سارىتۇبەكتەگى ۇيىنە دە كىرۋدىڭ ءساتى ءتۇستى. وسىدان ون شاقتى جىل بۇرىن سول جەردەگى اقكول, قاراسۋ اۋىلدارىنىڭ تۇرعىندارى اسار جاساپ, سارىتۇبەكتەگى احاڭ تۋعان ءۇيدى قالپىنا كەلتىرگەن بولاتىن. قاراسۋ اۋىلىنىڭ تۇرعىندارىمەن پىكىرلەستىك. احاڭنىڭ ۇرپاقتارى ءبىراز وكپە-رەنىشتەرىن ايتتى. احمەت بايتۇرسىن ۇلىنىڭ اسا كوپ ناسيحاتتالماي جۇرگەنىن, التى الاشتىڭ مۇڭىن جوقتاعان احاڭنىڭ قازىر تەك ۇمبەتەي رۋىنا عانا قاجەت بوپ قالعانىن اشىنا جەتكىزدى. راسىندا دا ءبىز وتە ناۋقانشىل بوپ كەتتىك, ۇلىلارىمىزدى تەك مەرەيتوي قارساڭىندا عانا ەسىمىزگە الىپ, جايشىلىقتا مۇلدە ەسكەرە بەرمەيمىز", - دەيدى ايبەك اقىن.
2022 جىلى قازاق ادەبيەتى مەن ادەبيەتتانۋ عىلىمىنىڭ, ءتىل ءبىلىمىنىڭ اتاسى جانە رەفورماتورى احمەت بايتۇرسىن ۇلىنىڭ 150 جىلدىق مەرەيتويى بولماق. ايتىس اقىنىنىڭ ايتۋىنشا, وسى ءبىر ايتۋلى كۇنى توي دا, ايتىس پەن بايگە دە ۇيىمداستىرىلۋعا ءتيىس. سپورتتىق شارالار مەن عىلىمي كونفەرەنتسيالار دا ءوتۋى مۇمكىن. "بىراق تويدان قالار ءبىر بەلگى بولۋى كەرەك", - دەگەن وي كوپشىلىكتى مازالايتىن كورىنەدى.
"اۋىل تۇرعىندارىمەن پىكىرلەسە وتىرىپ, سولار ايتقان ءۇش ماسەلەنى ورتاعا سالعىم كەلىپ وتىر. ءبىرىنشى, احاڭنىڭ سارىتۇبەك دەگەن جەردەگى كىندىك قانى تامعان تۋعان ءۇيىن سول جەردەگى اقكول, قاراسۋ اۋىلىنىڭ تۇرعىندارى اسار جاساپ, ءوز قاراجاتتارىنا قالپىنا كەلتىرگەن بولاتىن. بىراق سول ءۇيدىڭ قازىرگى قالپى كوڭىل كونشىتپەيدى. ارحيتەكتور ازاماتتار سول سارىتۇبەكتىڭ تۋريستەر مەن زيارات ەتۋشىلەردىڭ كەلۋىنە لايىقتاپ ەسكيز-ماكەتىن دايىنداپ وتىر. بۇل – ارينە, قارجىنى قاجەت ەتەدى. سارىتۇبەكتىڭ ءدال جانىندا احاڭنىڭ اتاسى شوشاقتىڭ, اكەسى بايتۇرسىننىڭ جانە اناسىنىڭ زيراتى تۇر. ول زيراتتى دا اۋىل تۇرعىندارى قورشاۋ جاساپ كۇتىمگە العان. ەندى وسى جەردى اباتتاندىرىپ, احاڭ تۋعان ءۇيدى قالپىنا كەلتىرىپ, جانىنا قوناق كۇتەتىن ءۇي مەن شاعىن مۇراجايى اشىلسا", - دەيدى اقىن ارقالاعان اماناتتىڭ ارتىنداعى اعايىن.
ەكىنشى ۇسىنىسىندا احاڭ تۋعان سارىتۇبەكتى, ايدىندى اقكولدى كورۋگە جانە زيارات ەتۋگە كەلەتىن حالىقتىڭ كوپتىگىنە بايلانىستى جول ماسەلەسىن ءسوز ەتكەن. "اقكول اۋىلىنا باراتىن 100 شاقىرىمدىق جول احاڭنىڭ ءومىر جولى سياقتى ازاپقا تولى, - دەپ اشىنعان اقىن: - اسىرەسە, كوكتەم مەن كۇز ايلارىنداعى جاۋىن-شاشىن كەزىندە جول مۇلدە ەزىلىپ كەتەدى, ال قىستاعى بوراندا اپتالاپ اشىلماي جاتادى. اۋدان اكىمشىلىگى قانشا قارجى قۇيعانىمەن, كوتەرمە جول بەتىندە اسفالتى بولماعاسىن جاۋىن-شاشىندا جۇرۋگە جاراماي قالادى. بىلتىرعى ناۋرىزدا ەلوردادان كەلگەن لاۋازىمدى كىسىلەردى اپارامىن دەپ جارتى جولدان باتپاققا باتىپ, قايتىپ كەلگەنمىن. احاڭنىڭ 150 جىلدىعىندا وسى 100 شاقىرىم جولعا اسفالت توسەلسە, احاڭنىڭ كىندىك قانى تامعان ۇيىنە تۋريستەر مەن زياراتشىلاردىڭ كەلۋىنە مول مۇمكىندىكتەر تۋدىرار ەدى", - دەيدى.
وسىلايشا, ول ايماقتاعى تاريحي نىساندار مەن كيەلى ورىنداردان بولەك ەل ىشىندەگى ءتۋريزمنىڭ ارتۋىنا دا وزىندىك سەپتىگى تيەر ەدى دەگەن ءۇمىت وتىن قوزعايدى. ەگەر جول جاعدايى جاقسارسا, قاراتۇزداعى شيپالى سۋ مەن تەنتەكسايداعى ەمدىك قاسيەتى بار ىستىق سۋعا دا كەلۋشىلەر قاراسى ارتپاق. سونداي-اق جازبا اۆتورى قازىرگى قوستاناي وبلىسى جانگەلدين اۋدانىنا احمەت بايتۇرسىن ۇلىنىڭ ەسىمىن بەرۋ كەرەك دەگەن ۇسىنىس تاستاپ وتىر.
"تورعاي جۇرتشىلىعى دا, جالپى الاششىل زيالى قاۋىم دا احاڭنىڭ 150 جىلدىق مەرەيتويىنان ۇلكەن ءبىر وزگەرىستى, وسى جانگەلدين اۋدانىنىڭ ەسىمىن احاڭنىڭ اتىمەن اتاۋدى كۇتىپ وتىر. ارينە, ءالىبي جانگەلديننىڭ دە ەلەۋلى ەڭبەگى بار شىعار, بىراق سالىستىرمالى تۇردە احاڭنىڭ ەڭبەگى باسىم ەكەندىگى داۋ تۋدىرمايدى. جانگەلديننىڭ ەسىمى كەڭەس زامانىندا ناسيحاتتاۋدان كەندە بولعان جوق. قازاقستاننىڭ قاي تۇكپىرىنە بارساڭىز دا جانگەلديننىڭ اتىنداعى اۋىل, جوق دەگەندە مەكتەپ پەن كوشە اتاۋىن مىندەتتى تۇردە كەزدەستىرەسىز. سوندىقتان, بۇعان الەكەڭنىڭ رۋحى دا رازى بولادى دەپ ويلايمىز", - دەلىنگەن اقىننىڭ جازباسىندا.
