ايماقتار • 28 ءساۋىر، 2020

جەڭىس كۇنىنە ارنالعان جاڭا ءان

4044 رەت كورسەتىلدى

قورعالجىندىق كومپوزيتور مارات ءالىمجانوۆ ۇلى جەڭىستىڭ 75 جىلدىعىنا ءان ارنادى. جەرگىلىكتى اقىن مەرۋەرت الپىسوۆانىڭ ولەڭىنە جازىلعان ءان ء«اليا مەن مانشۇك» دەپ اتالادى. ياعني، ەرلىك پەن ورلىككە ۇندەيتىن اسەرلى ءان شىعىستان شىققان قوس جۇزدىزعا ارنالعان.

1959 جىلى قورعالجىن اۋدانىندا ۇستازدار وتباسىندا دۇنيەگە كەلگەن مارات ءالىمجانوۆ ساكەن سەيفۋللين اتىنداعى مەملەكەتتىك پەداگوگيكالىق ينستيتۋتىنىڭ مۋزىكا فاكۋلتەتىن تامامداعان. 78-ءشى جىلدان بەرى قورعالجىن اۋداندىق مادەنيەت ۇيىندە فولكلورلىق ءانسامبلدىڭ كوركەمدىك جەتەكشىسى. 40 جىلعا جۋىقتاعان ەڭبەك جولىندا مۋزىكالىق ءبىلىمىن ۇشتاستىرا وتىرا، فورتەپياونو، بايان، دومبىرا اسپاپتارىن جەتىك مەڭگەرگەن.

–بيىل ەلىمىز ۇلى جەڭىستىڭ 75 جىلدىعىن تويلاۋدا. سوعان دا ءوز باسىم اتسالىسىپ، وسنىداي ءان جازعىم كەلدى،– دەيدى كومپوزيتور مارات ءالىمجانوۆ.

سازگەردىڭ انىنە ءسوز جازعان قورعالجىدىق اقىن مەرۋەرت الپىسوۆا بۇگىندە نۇر-سۇلتان قالاسىندا تۇرادى. ءبىر كەزدە كومپوزيتورمەن قىزمەتتەس بولعان اقىن اپاي شىعارماشىلىق ىنتىماقتارىنىڭ ناتيجەلى بولىپ كەلە جاتقانىنا قۋانىشتى.    

–جالپى، ولەڭدەرىمنىڭ ىشىندە «تۋعان جەر»، «ەرلىك داستانى»، «سارىارقا»، «مەكتەبىم»، «ۇستازىما»، «ماحاببات داستانى» دەگەندەرگە اندەر جازىلدى. سونىڭ ىشىندە، «ماحاببات داستانى»، ء«اليا»، «ەرلىك داستانى» وسى مارات اعامەن بىرلەسىپ جازىلعان. ءاليا حالقىمىزدىڭ تاريحىنداعى ەرلىكتىڭ سيمۆولى. ءان ەشقاشان ولمەيدى،–دەيدى اقىن.

بۇگىندە مارات اعا قورعالجىن اۋدانىنىڭ قۇرمەتتى ازاماتى، سونداي-اق، «مادەنيەت سالاسىنىڭ ۇزدىگى» توسبەلگىسىنىڭ يەگەرى. رەپەرتۋارى وتە باي، ءار ۇلتتىڭ اندەرى مەن كۇيلەرى حالىق نازارىندا.

 

اقمولا وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار