ايماقتار • 26 ءساۋىر، 2020

قاھارمان قايسەنوۆ اتىنداعى اسكەري ءبولىم

238 رەت كورسەتىلدى

بۇگىن «شىعىس» وڭىرلىك قولباسشىلىعىنا قاراستى 27943 اسكەري ءبولىمىنىڭ قۇرىلعانىنا 27 جىل تولدى.

بۇگىن «شىعىس» وڭىرلىك قولباسشىلىعىنا قاراستى 27943 اسكەري ءبولىمىنىڭ قۇرىلعانىنا 27 جىل تولدى.

   ەلىمىزدىڭ تىنىشتىعىن قورعاۋدى قامتاماسىز ەتۋ ماقساتىندا قازاقستان رەسپۋبليكاسىنىڭ قورعانىس مينيسترلىگى ديرەكتيۆاسىنىڭ نەگىزىندە 1993 جىلى 26 ساۋىردە جارما اۋدانىنىڭ قالباتاۋ پوسەلكەسىندە 27943 اسكەري ءبولىمى قۇرىلدى. اسكەري ءبولىمنىڭ قۇرىلۋى مەن قالىپتاسۋىنا ءار جىلداردا باسقارعان پودپولكوۆنيك ءالىمجان ەرنيازوۆ (قازىرگى تاڭدا وتستاۆكاداعى گەنەرال-مايور)، پودپولكوۆنيك تيمۋر ابىشەۆ، پودپولكوۆنيك باۋىرجان قاباتوۆ، پودپولكوۆنيك ۆيتالي دوبرينسكي، پولكوۆنيك اسقان تاسبولاتوۆ، پودپولكوۆنيك نۇرلان قاشاعانوۆ، پولكوۆنيك دانيار قوناقباەۆ، پودپولكوۆنيك رۋسلان اكمولين، پودپولكوۆنيك تالعات ساپارباەۆ، پودپولكوۆنيك ەرجان يبراەۆ، پودپولكوۆنيك مۇرات اراپباەۆ، پودپولكوۆنيك بەگىمبەت تاجىباەۆ كوپ ەڭبەك ەتتى.

دوم

   قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جەتەكشىلىگىمەن ارميانىڭ جاڭا ءتۇرىن قۇرۋ شەڭبەرىندە اسكەري قىزمەتتى جان-جاقتى ترانسفورماتسيالاۋ جانە رەفورمالاۋ بويىنشا تۇپكىلىكتى وزگەرىستەر جۇرگىزىلدى. اسكەري-ساياسي مىندەتتەرگە سۇيەنە وتىرىپ، قارۋلى كۇشتەردەگى ۇيىمداستىرۋشىلىق-شتاتتىق قۇرىلىمداردى جەتىلدىرۋگە بايلانىستى 1998 جىلعى 1 جەلتوقساننان باستاپ موتواتقىشتار پولكى جەكە موتواتقىشتار بريگاداسى، قورعانىس مينيسترلىگىنىڭ 2004 جىلعى 28 قاراشاداعى ديرەكتيۆاسى نەگىزىندە جەكە موتواتقىشتار بريگاداسى جەكە مەحانيكالاندىرىلعان بريگادا بولىپ وزگەرتىلدى. وزىندىك تاريحى قالىپتاسقان بولىمنەن تۇلەپ ۇشقان وفيتسەرلەر بۇگىنگى كۇنى جاۋاپتى جەتەكشىلىك قىزمەتتە ەڭبەك ەتىپ، قارۋلى كۇشتەرىمىزدىڭ دامۋىنا ءوز ۇلەسىن قوسىپ كەلەدى. وسكەمەن شاھارىندا ورنالاسقان اسكەري بولىمگە 2019 جىلدىڭ 4 قىركۇيەگىندە قورعانىس ءمينيسترىنىڭ بۇيرىعىمەن حالىق قاھارمانى قاسىم قايسەنوۆ ەسىمى بەرىلدى. جەكە قۇرامنىڭ جاۋىنگەرلىك ازىرلىگى دە جۇيەگە قويىلعان. ءاردايىم الدىڭعى شەپتەن كورىنىپ كەلەدى. وعان «شۇباركول» پوليگونىندا رەسەي فەدەراتسياسىنىڭ قارۋلى كۇشتەرىمەن بىرلەسكەن ء«وزارا قيمىل – 2008»، «شىعىس» پوليگونىنداعى ء«وزارا قيمىل – 2009» وقۋ جاتتىعۋلارى، 2010-2011 جىلدارى ۇلتتىق قاۋىپسىزدىك دەپارتامەنتىمەن بىرلەسكەن جەدەل تاكتيكالىق وقۋ جاتتىعۋلارى، 2012 جىلدىڭ شىلدە ايىندا «ىزەندى» پوليگونىندا ءۇشارال گارنيزونىنداعى 40398 اسكەري بولىمىمەن بىرلەسكەن بريگادالىق-تاكتيكالىق وقۋ جاتتىعۋى، «كوكتال» وقۋ پوليگونىنداعى «ايبالتا –2015»، «شىعىس» وقۋ پوليگونىنداعى «ايبالتا – 2016»، «شىعىس» وقۋ پوليگونىنداعى رەسەي فەدەراتسياسىنىڭ قارۋلى كۇشتەرىمەن بىرلەسكەن ء«وزارا قيمىل – 2019» وقۋ جاتتىعۋلارى دالەل بولادى.

   اسكەري ءبولىم جاۋىنگەرلىك ازىرلىكتى ودان ءارى بەلسەندىرۋدىڭ، كاسىبي داعدىنى بارىنشا ارتتىرۋدىڭ، اسكەري ءتارتىپ پەن قۇقىق ءتارتىبىنىڭ جاعدايىن جاقسارتۋدىڭ وڭ ءۇردىسىن ساقتاي ءبىلدى. الەمدىك دودادا قازاقستاننىڭ قارۋلى كۇشتەرىنىڭ جاۋىنگەرلىك داڭقى مەن ابىرويىن ارتتىرعان اسكەريلەردىڭ جەتىستىگى ماقتاۋعا لايىق. ماسەلەن، اسكەري ماماندىقتارعا قاتىستى «ارميا ويىندارى – 2016» حالىقارالىق جارىسى شەڭبەرىندە رەسەي فەدەراتسياسىنىڭ «الابينو» پوليگونىندا ۇيىمداستىرىلعان «سۋۆوروۆ شابۋىلى» جارىسىنان ءبولىمىنىڭ اسكەريلەرى جەڭىسپەن ورالدى. جاۋىنگەرلىك ۇرىس ماشيناسىنىڭ كومانديرى، لەيتەنانت ەرلان مۇقاتاەۆ، جاۋىنگەرلىك ۇرىس ماشيناسىنىڭ كوزدەۋشى وپەراتورى كىشى سەرجانت ەراسىل ماراتوۆ، جاۋىنگەرلىك ۇرىس ماشيناسىنىڭ مەحانيك-جۇرگىزۋشىسى اعا سەرجانت ستەپان تامبوۆتسەۆ «سۋۆوروۆ شابۋىلى» جارىسىندا «جاۋىنگەرلىك ماشينا ەكيپاجى» نوميناتسياسى بويىنشا ءۇشىنشى ورىندى جەڭىپ الدى. نوميناتسيا يەگەرلەرىنىڭ كەۋدەسىنە رف قورعانىس ءمينيسترى س.شويگۋ مەدال تاقتى. ارنايى ديپلوم مەن سەرتيفيكاتتار تابىستاپ، ۇشەۋىنە دە كۆادروتسيكل سىيعا تارتتى. جاۋىنگەرلىك ۇرىس ماشيناسىنىڭ مەحانيك-جۇرگىزۋشىسى، اعا سەرجانت ستەپان تامبوۆتسەۆكە رف قۇرلىق اسكەرلەرىنىڭ باس قولباسشىسى گەنەرال-پولكوۆنيك ولەگ ساليۋكوۆ «جاۋىنگەرلىك دوستاستىقتى نىعايتقانى ءۇشىن» مەدالىن تابىس ەتتى. سونداي-اق، سانكت-پەتەربۋرگ قالاسى قىزىل سەلوسىنداعى س.كيروۆ اتىنداعى اسكەري-مەديتسينا اكادەمياسىنىڭ وقۋ ورتالىعىندا وتكەن «اسكەري-مەديتسينالىق ەستافەتا» بايقاۋىنان قازاقستان قۇراما كومانداسىنىڭ مەحانيك-جۇرگىزۋشىسى، 3-ءشى سىنىپتى سەرجانت نۇرلان مايحانوۆتا جۇلدەمەن ورالدى. ول جەڭىل بروندى كوپ ماقساتتى تارتقىشتى جۇرگىزىپ، كەدەرگىلەر جولاعى مەن اتىس شەبىنەن وتۋدە كاسىبي شەبەرلىكتىڭ جوعارى دەڭگەيىن كورسەتتى. ۇزدىك كوماندانى تەحنيكالىق جاعىنان قامتاماسىز ەتۋگە ۇلەس قوسقان مايور رۋستام كاريموۆ پەن كاپيتان مارات ابدۋلين دە «ارميا ويىندارى – 2016» حالىقارالىق جارىسىندا باسشىلىق قۇرام مەن قىزمەتتەستەرىنىڭ سەنىمىن اقتاعانى ءۇشىن العىس گراموتاسىن الدى. قازاقستان رەسپۋبليكاسى پرەزيدەنتىنىڭ جارلىعىمەن ءار جىلداردا III دارەجەلى «ايبىن» وردەنىمەن كاپيتان مارات ابدۋللين، «جاۋىنگەرلىك ەرلىگى ءۇشىن» مەدالىمەن پودپولكوۆنيك اسەت ساليحوۆ، كاپيتان جاقسىلىق ورمانتاي، كەلىسىمشارت بويىنشا اسكەري قىزمەتشى، 3-ءشى سىنىپتى سەرجانت لاريسا كوتوۆا، 3 سىنىپتى سەرجانت تالعات مۇشەلباەۆ، مايور جادىرا مۇحاماديەۆا مەن مايور ەلدوس بەكپاەۆ  «ەل قورعانى» I دارەجەلى جانە كەلىسىمشارت بويىنشا اسكەري قىزمەتشى، 2 سىنىپتى سەرجانت نۇرلان قوراباەۆ «ەل قورعانى» ءىI دارەجەلى مەدالىمەن  ماراپاتتالعان. 2018 وقۋ جىلىنىڭ قىسقى مەرزىمىندە قر قك قۇرلىق اسكەرلەرى بولىمدەرى مەن قۇرىلىمدارىنىڭ باتالوندارى اراسىنداعى «مەرگەن باتالون» جارىسىندا 2-ءشى موتواتقىشتار باتالونى ءبىرىنشى ورىندى ۇتىپ الدى. 2019 وقۋ جىلىنىڭ قىسقى كەزەڭىندە قر قك قۇرلىق اسكەرلەرى بولىمدەرى مەن قۇرىلىمدارىنىڭ باتالوندارى اراسىنداعى «ۇزدىك مينااتقىشتار باتارەياسى» سايىسىندا 2-ءشى موتواتقىشتار باتالونىنىڭ مينااتقىشتار باتارەياسى تاعى دا ءبىرىنشى ورىندى جەڭدى. ءدال وسى 2-ءشى موتواتقىشتار باتالونى قر قارۋلى كۇشتەرىنىڭ جەدەل-ستراتەگيالىق كوماندالى-شتابتىق «ايبالتا – 2019» جاتتىعۋىندا دا كاسىبي شەبەرلىكتە جەتىستىكتەرگە جەتتى. پودپولكوۆنيك ەرجان مەيىرمانوۆ باسشىلىق ەتەتىن ءبولىمنىڭ اسكەري قىزمەتشىلەرى باتىر بابالاردىڭ جاۋىنگەرلىك ءداستۇرىن جالعاستىرىپ، ەلىمىزدىڭ ستراتەگيالىق ماڭىزدى ايماعىندا قاۋىپسىزدىكتى قامتاماسىز ەتۋ ءۇشىن جاۋىنگەرلىك مىندەتتەرىن ابىرويمەن اتقارا بەرمەك.

 نۇرجان مالگاجداروۆ،

«شىعىس» وڭىرلىك قولباسشىلىعىنىڭ

قاھارمان ق.قايسەنوۆ اتىنداعى 27943 اسكەري ءبولىمىنىڭ

يدەولوگيالىق جۇمىستار، ارنايى ناسيحات جانە

مەملەكەتتىك-قۇقىقتىق دايىندىق بويىنشا اعا وفيتسەرى،

كاپيتان

 

وسكەمەن

 

سوڭعى جاڭالىقتار

ۇقساس جاڭالىقتار