ورتالىقتىڭ ارنايى قان الاتىن جىلجىمالى كولىگى دە بار. بۇل جولى يگىلىكتى شاراعا وبلىستىق قىلمىستىق-اتقارۋ جۇيەسى دەپارتامەنتىنىڭ قىزمەتكەرلەرى بەلسەنە ات سالىسىپ, 40-قا جۋىق قىزمەتكەرى قان تاپسىردى.
پاندەميا سالدارىنان قان ورتالىعىندا دونورلار سانى كۇرت ازايىپ كەتىپ ەدى. ەندى مىنە, وبلىستىق قىلمىستىق-اتقارۋ جۇيەسى دەپارتامەنتىنىڭ قىزمەتكەرلەرى قان ورتالىعىنىڭ قورىن تولىقتىردى. ەرىكتى تۇردە قان وتكىزۋگە بارلىق قىزمەتكەرلەر نيەت ءبىلدىردى. شارا بارىسىندا دونورلار الدىن الا دارىگەر باقىلاۋىنان ءوتىپ, دەنساۋلىعىن تەكسەرتتى. سول جەردە قان توپتارىن ناقتىلاپ, گەموگلابين كورسەتكىشتەرى انىقتالدى.
توتەنشە جاعداي ەنگىزىلگەن ساتتەن باستاپ بىرقاتار ىزگى نيەتتى ادامدار قان تاپسىرۋدا. بۇل يگى باستاما ءالى جالعاسىن تابادى. جىلجىمالى كولىك قاجەتتى قۇرال-جابدىقتارمەن تولىق قامتاماسىز ەتىلگەن. ءبىر مەزەتتە ەكى ادام قان تاپسىرا الادى. شاراپاتى مول شاراعا جەرگىلىكتى «قىزىل جارتى اي» قوعامدىق ۇيىمىنىڭ ەرىكتىلەرى دە ۇلكەن ۇلەس قوسۋدا. ولار اق حالاتتى ابزال جاندارمەن بىرلەسىپ, دونورلار سانىن كوبەيتۋدە.
قان ورتالىعى قىزمەتكەرلەرىنىڭ ايتۋىنشا, قان ءبىرىنشى كەزەكتە كۇردەلى ونكولوگيالىق اۋرۋلارمەن اۋىراتىن بالالارعا, پەرزەنتتى بولعان ايەلدەرگە, سونداي-اق, جول-كولىك وقيعالارىنان زارداپ شەككەندەرگە قاجەت.
كوكشەتاۋ قالاسى
