ەرىكتى ەربول كەيبىر كوپقاباتتى ۇيلەردىڭ ماڭايىنا دۇرىس دەزينفەكتسيا جاسالمايتىنىن بايقاعان. تۇرعىن ءۇي كووپەراتيۆتەرى توتەنشە جاعداي كەزىندە مويىن بۇرا قويماعان وسى جۇمىستى ءبىر ءوزى اتقارماق بولىپ قالا اكىمى امانگەلدى سمايىلوۆقا ارنايى حات جازىپ, دەزينفەكتسيا قۇرالدارىن سۇراعان. قالا اكىمدىگى ەرىكتىنىڭ ەل جاعدايىن ويلاعان نيەتىنە قولداۋ كورسەتىپ, بارلىق قاجەتتى جابدىقتارمەن قامتاماسىز ەتكەن. ەربول تۇرعىن ءۇي ينسپەكتسياسىنان دا جۇمىسى دۇرىس جۇرگىزىلمەي جاتقان ۇيلەردىڭ ءتىزىمىن الادى. ماسەلەن, اباي, م.عابدۋللين, م.اۋەزوۆ كوشەلەرىندە دە مۇنداي ۇيلەر بار.
ەڭبەگىن جارنامالاۋدى جانى سۇيمەيتىن ەربول بۇل تۋرالى جازباۋىمىزدى ءوتىندى. ءوز قارەكەتىن ايرىقشا ەڭبەك دەپ سانامايدى. بىزدىڭشە, كوپكە ونەگە بولۋ ءۇشىن ايتۋعا ابدەن لايىق ءىس. ەلگەزەك ەربول بىرنەشە ەگدە, مۇگەدەك جانە الەۋمەتتىك جاعىنان از قامتىلعان وتباسىلارعا ازىق-ت ۇلىك سەبەتتەرىن اپارىپ بەرىپتى.
ارقايسىمىز ەربول ءتارىزدى جاناشىر بولساق, ءبىزدى ەشبىر قاۋىپ قورقىتا المايدى.
كوكشەتاۋ قالاسى
