وسى جولى تاجىك-اۋعان شەكاراسىنداعى اسكەري ءىس-قيمىلدارعا قاتىسۋشىلار وبلىس ورتالىعىنداعى از قامتىلعان جانە كوپبالالى وتباسىلارىنا كومەك كورسەتتى. جانى جومارت, جۇرەگىنە مەيىرىم ۇيالاعان جەرلەستەرىمىز بۇگىنگىدەي قيىن كەزەڭدە حالىقتىڭ الەۋمەتتىك تۇرعىدان وسال توبىنا قاجەتتى دەگەن ازىق-ت ۇلىك ونىمدەرىن ساتىپ الىپ, ءۇيدى-ۇيگە تاراتۋدى قولعا الدى. اكتسيا اياسىندا 35 وتباسىنا كومەك كورسەتىلمەك.
– شامامىز كەلگەنشە قولداۋ كورسەتەمىز. بۇگىن 25 وتباسىنا قاجەتتى ونىمدەردى جەتكىزەمىز دەپ وتىرمىز. ال, ەرتەڭ تاعى 10 وتباسىن قامتيمىز,–دەيدى «تاجىك-اۋعان اسكەري ءىس-قيمىلدارىنا قاتىسۋشىلار» رەسپۋبليكالىق قوعامدىق بىرلەستىگى فيليالىنىڭ توراعاسى قايدار باكىروۆ.
اتالعان اكتسيا ەل بىرلىگىن بەكەمدەي تۇسۋگە زور ىقپال ەتۋدە. ەڭ قاجەتتى دەگەن ازىق-ت ۇلىك قورى مەن بالالار ءۇشىن الىنعان ءتاتتى-دامدىلەر, اسىرەسە كوپبالالى وتباسىلاردىڭ قيىندىقتى ەڭسەرۋىنە زور دەمەۋ. قايىرىمدىلىق شاراسىنىڭ شاراپاتى التىن قۇرساقتى انا, التى بالانى ءبىر ءوزى تاربيەلەپ وتىرعان اسەرا الىمقانوۆانىڭ وتباسىنا دا ءتيدى.
كوروناۆيرۋس ىندەتىن بىرىگىپ قيمىلداساق قانا جەڭەمىز. اتالعان اكتسيا سونىڭ بىردەن-ءبىر كۋاسى. تەك كارانتين رەجيمىن قاتاڭ ساقتاۋ قاجەت.
كوكشەتاۋ قالاسى
