ء«بىز بىرگەمىز» اكتسياسى قازاقستاندىقتاردى عانا ەمەس, شەت ەل قازاقتارىن دا جۇدىرىقتاي جۇمىلدىردى. توتەنشە جاعداي جاريالانعالى ءنوۆوسىبىر, تۇمەن جانە ومبى وبلىستارىنداعى قازاق قاۋىمداستىقتارىنىڭ بەلسەندىلەرى قازاقستاندىقتاردى ەلگە قايتارۋعا جاردەمدەسە باستادى. كوروناۆيرۋس پاندەمياسىنىڭ تارالۋىنا بايلانىستى شەكارالار جابىلىپ, اۋە جانە تەمىرجول, ءتىپتى اۆتوبۋس قاتىناسى دا توقتادى. وتانداستارىمىز شەكارادان وتۋگە قاتىستى قيىندىقتارعا تاپ بولدى. قازاق قوعامداستىعىنىڭ بەلسەندىلەرى دەر كەزىندە كومەككە كەلدى.
–ترانزيتتىك بايلانىس ۇيىمداستىرىلدى. ياعني, اۆتوكولىكتەر رەسەي ەلىنەن شەكاراعا دەيىن جەتكىزىپ, ءارى قاراي شەكارانى جاياۋ ءجۇرىپ ءوتتى. ودان سوڭ ءبىزدىڭ ارىپتەستەر ولاردى قارسى الدى. وسىلايشا 12 ادام تاسىمالداندى. ونىڭ 4-ءى ءبىزدىڭ سەرىكتەستەرىمىزدىڭ قارجىلاندىرۋىمەن ەلگە جەتكىزىلدى. مىسالى, تومسك جانە حانتى-مانسيسك قالالارىنداعى جەرلەستەرىمىز قازاقستانعا جەتۋ ءۇشىن ومبىعا دەيىن بارىپ, سول جەردە تۇراقتاۋى كەرەك بولدى. ءبىز رەسەيدە جانە قازاقستاندا ولارعا كومەك كورسەتەتىن ەرىكتى توپتار قۇردىق. قازاقستان ەلشىلىگى دە كومەككە كوپ ادامداردى جىبەردى,–دەيدى «ومبى قازاقتارى» قوعامدىق ۇيىمىنىڭ توراعاسى قۋانىش ەلەۋتاەۆ.
قازىرگى ۋاقىتتا ومبىدا 100 مىڭ قازاق تۇرادى. بۇل جالپى حالىق سانىنىڭ 4 پروتسەنتى. «ومبى قازاقتارى» قوعامدىق ۇيىمى بەلسەندىلەردىڭ قاتارىندا. 12 جىلدان بەرى ۇيىم قازاق مادەنيەتىن ناسيحاتتاپ كەلەدى. ءبىراز جوبالار ىسكە استى. بيىلعى جىلدان باستاپ ناۋرىز مەيرامى قالالىق جوسپارعا ەندى, دەمەك وعان قالا اكىمدىگىنەن قاراجات بولىنەتىن بولادى.
ء–بىزدىڭ قازاقستانمەن ارىپتەستىگىمىز ەجەلدەن اجىراعان جوق, جالعاسا بەرەدى. قازاقستاندىق «وتانداستار» قورىنداعى ارىپتەستەرىمىزبەن بىرگە اتقاراتىن كوپتەگەن جوبالارىمىز بار. مىسالى, قازاق ءتىلىن ۇيرەتەتىن ونلاين كۋرستار اشۋ ءىسى. رەسەي بالالارى اپتاسىنا ءۇش رەت نۇر-سۇلتان قالاسىنداعى ستۋديانىڭ تىكەلەي ەفيرىنە قوسىلىپ ءتىل ۇيرەنۋدە,–دەيدى «ومبى قازاقتارى» قوعامدىق ۇيىمىنىڭ مۇشەسى سالتانات كەنشىنباەۆا.
ومبى قالاسىندا تامىز ايىندا جىل سايىن ۇيىمداستىرىلاتىن ءداستۇرلى «ەۋرازيا بايلىعى» كورمەسى وتەدى. قازاقستاندىق تاۋار وندىرۋشىلەر ءوز ونىمدەرىن ۇسىنادى. ايتا كەتەيىك, اقمولا, سولتۇستىك قازاقستان جانە پاۆلودار وبلىستارىنىڭ تاۋارلارى ومبىلىقتار اراسىندا ۇلكەن سۇرانىسقا يە. قالا اكىمدىگى ءۇش كۇن بويى قازاقستاندىقتارعا قويمالار مەن ساتىلىم كورمەگە ارنالعان الاڭقايلاردى تەگىن ۇسىناتىن بولادى. اباي قۇنانباي ۇلىنىڭ 175 جىلدىعىنا وراي دا بىرقاتار شارا ۇيىمداستىرىلادى. ارينە, الەمدە ورىن الىپ وتىرعان ۋاقىتشا قيىندىق تەزىرەك اياقتالسا, – دەيدى قوعامدىق ۇيىمنىڭ وكىلدەرى.
اقمولا وبلىسى.
