جەرگىلىكتى كاسىپكەرلەر كۇن سايىن 300 توننا ءسۇت ءونىمىن, 77 توننا ءىرى قارا مال ەتىن, 123 توننا قۇس ەتىن, 2,2 ميلليون دانا جۇمىرتقا, 1000 توننا ۇن جانە وزگە دە تاۋارلار وندىرەدى. وزگە وبلىستاردان شامامەن 100 توننا كارتوپ, ءسابىز بەن پياز ءتارىزدى كوكونىس ونىمدەرى تاسىمالدانادى.
الەۋمەتتىك ماڭىزى بار ازىق-ت ۇلىك تاۋارلارىنا سۇرانىستىڭ ءوسۋى اياسىندا مەملەكەتتىك ورگانداردىڭ الدىنا تاعامدار باعاسىنىڭ كوتەرىلۋىنە جول بەرمەۋ جونىندە مىندەتتەر قويىلدى. بۇل باعىتتا وبلىستا ءتيىستى جۇمىستار جۇرگىزىلۋدە. قولدانعان شارالاردىڭ ناتيجەسىندە كەيبىر ازىق-ت ۇلىك تاعامدارىنىڭ باعاسى توتەنشە جاعدايعا دەيىنگى باعامەن سالىستىرعاندا تومەندەدى. وبلىس ورتالىعىندا ورنالاسقان «كوكشە نان» جانە «كوكشەتاۋ نان زاۋىتى» سەرىكتەستىكتەرىمەن كەلىسىمگە قول جەتكىزىلىپ, نان باعاسى 16 پايىزعا ارزاندادى. «اقساي نان-كوكشەتاۋ» سەرىكتەستىگىنىڭ فيرمالىق ساۋدا ورىندارىندا نان 75 تەڭگەدەن ساتىلۋدا. ءبىرجان سال اۋدانىندا ورنالاسقان «قازگەرقۇس» سەرىكتەستىگىنەن جۇمىرتقا تىكەلەي تاسىمالدانىپ, ون جۇمىرتقا 267 تەڭگەدەن ساتىلۋدا. سونداي-اق, وزگە تاۋارلاردىڭ باعاسىن تومەندەتۋ ماسەلەسى قاراستىرىلۋدا.
وڭىردەگى كوتەرمە ساۋدا ورىندارىنىڭ قويمالارىنداعى ازىق-ت ۇلىك تاعامدارىنىڭ قورىنا جانە وزگە وبلىستاردان تاسىمالداناتىن تاۋارلارعاكۇن سايىن مونيتورينگ جۇرگىزىلەدى. بۇگىنگى كۇنى بۇل قورداعى ازىق-ت ۇلىك 35 مىڭ توننانى قۇرايدى. تاۋارلار ءۇزىلىسسىز ساتىلۋدا. وبلىستا ءونىم تاپشىلىعى بايقالمايدى. سونداي-اق, «ەسىل» الەۋمەتتىك كاسىپكەرلىك كورپوراتسياسىنىڭ وڭىرلىك تۇراقتى قورىن كوبەيتۋ بويىنشا اۋقىمدى جۇمىس جۇرگىزىلۋدە. بۇگىنگى كۇنى مۇندا 1,8 مىڭ توننا الەۋمەتتىك ماڭىزى بار ازىق-ت ۇلىك تاۋارلارى بار. قوسىمشا تاعى 1 مىڭ توننا تاۋار ساتىپ الۋ جوسپارلانىپ وتىر.
