ءىس-شارانىڭ ماقساتى – انىقتاۋ, تەرگەۋ, پروكۋراتۋرا جانە سوت ورگاندارىنان جاسىرىنعان ايىپتالۋشىلاردى, سەزىكتىلەر مەن سوتتالعان ازاماتتاردى ىزدەستىرۋ, سونداي-اق, حابار-وشارسىز كەتكەن ادامداردى انىقتاۋ.
ءتارتىپ ساقشىلارى ەرىكتىلەرمەن بىرگە تۇراقتى تۇردە ىزدەستىرۋ جۇمىستارىن جۇرگىزەدى. ءاربىر وڭىردە پوليتسيانىڭ ەرىكتى ىزدەۋشىلەرمەن ەرەكشە بايلانىسى بار. ەرىكتىلەر ىزدەۋ ءۇشىن تاپتىرماس كۇش بولىپ تابىلادى.
جىل باسىنان بەرى ماڭعىستاۋ وبلىسىنىڭ اۋماعىندا ازاماتتاردىڭ حابار-وشارسىز جوعالۋىنىڭ 15 فاكتىسى تىركەلدى. ولاردىڭ ىشىندە حابار-وشارسىز كەتكەندەردىڭ 14-ءى انىقتالدى.
مىسالى, 3 ناۋرىزدا ۇيدەن شىعىپ كەتكەن باسقۇدىق اۋىلىنىڭ تۇرعىنى ازامات م. كريمينالدىق پوليتسيا قىزمەتكەرلەرىنىڭ جەدەل ارەكەتتەرىنىڭ ارقاسىندا اقتاۋ قالاسىنىڭ كوشەسىندە تابىلدى.
14 ناۋرىزدا اقتاۋ قالاسىندا تۇراتىن ر. ەسىمدى ازاماتشا ۇيدەن كەتىپ, ورالماعان. كريمينالدىق پوليتسيا قىزمەتكەرلەرى اتالعان ازاماتتىڭ ورنالاسقان جەرىن انىقتادى. ول قالاداعى قوناق ۇيلەردىڭ بىرىنەن امان-ەسەن تابىلدى.
20 اقپاندا مۇنايلى اۋدانى اتامەكەن اۋىلىنىڭ ا. ەسىمدى ازاماتشاسى ۇيدەن شىعىپ كەتىپ, قايتا ورالماعان. كەيىننەن ول ماڭعىشلاق اۋىلىنان تابىلدى.
بارلىق ازاماتتار پوليتسيا قىزمەتكەرلەرىنىڭ تاباندىلىعى مەن ناقتى ءىس-قيمىلدارىنىڭ ارقاسىندا تابىلدى.
ماڭعىستاۋ وبلىسى
