ارناۋلى الەۋمەتتىك قىزمەتتەر ۇسىناتىن ورتالىقتاردا ستاتسيونار جاعدايىندا 6 نىساندا كارانتين جاريالاندى, جارتىلاي ستاتسيونار جاعدايىندا – ورتالىقتار دەمالىسقا جىبەرىلدى.
«بۇدان وزگە «باقىتتى وتباسى», «بەلسەندى ۇزاق ءومىر» ورتالىقتارىنىڭ جۇمىسى توقتاتىلدى. قىزمەتكەرلەردىڭ جالاقىسى ساقتالادى, ورتالىقتاردىڭ جۇمىسى قاشىقتىقتان جۇرگىزىلەدى», – دەدى دانيار الكەباي ۇلى.
الەۋمەتتىك ءال-اۋقات باسقارماسىنىڭ ۆەدومستۆولىق باعىنىشتى ۇيىمدارى – حالىقتى جۇمىسپەن قامتۋ ورتالىعى مەن باسقارمانىڭ اۋداندىق بولىمدەرى شتاتتىق رەجيمدە جۇمىسىن جالعاستىرۋدا. بۇل رەتتە, ۇيىمداردا سانيتارلىق باقىلاۋ شارالارى, سانيتارلىق ەرەجەلەرگە سايكەس ەپيدەمياعا قارسى ءىس- شارالار قامتاماسىز ەتىلگەن.
سونىمەن قاتار د.الكەباي ۇلى, حالىقتى جۇمىسپەن قامتاماسىز ەتۋ ءۇشىن «ەڭبەك» مەملەكەتتىك باعدارلاماسىنىڭ جۇمىس ىستەيتىنىن, وندا ۋاقىتشا جانە الەۋمەتتىك جۇمىس ورىندارى, قوعامدىق جۇمىس جانە جاستار تاجىريبەسى قاراستىرىلعاندىعىن, بولىنەتىن كۆوتالار سانىنىڭ كوبەيىپ جاتقانىن اتاپ ءوتتى.
باسقارما باسشىسىنىڭ ورىنباسارى ءسوزىن قورىتىندىلاي كەلىپ, حالىقتى جۇمىسپەن قامتۋعا جاردەمدەسۋ شارالارى قامتاماسىز ەتىلەتىندىگىن, سونداي-اق قىزمەتكەرلەردىڭ بوساۋىنا جانە ولاردى جۇمىسقا ورنالاستىرۋ بويىنشا ۋاقتىلى شارالار قابىلداۋعا باقىلاۋ جۇرگىزىلەتىنىن اتاپ ءوتتى.
