– نەگە اشىق اۋاداعى ءىس-شارالار بارىسىندا اۋرۋ جۇقتىرۋ قاۋپى تۋىنداۋى مۇمكىن؟ سپورتشىلارعا نە ىستەۋ كەرەك, جاتتىعۋدى جالعاستىرۋعا بولا ما؟
– كەز كەلگەن جاپپاي وقيعالار (ماسەلەن, «الماتى مارافونى» 18 مىڭعا جۋىق قاتىسۋشىدان قۇرالعان) – بۇل اۋرۋ جۇقتىرۋدىڭ ىقتيمال مۇمكىندىگى. ۆيرۋس بەلگىلەرى ءاردايىم ايقىن كورىنە بەرمەيدى. ادامداردىڭ اراسىندا اۋرۋ جۇقتىرعان ادام بولۋى مۇمكىن, سوندىقتان جاقىن ماڭداعىلارعا ۇلكەن قاۋىپ توندىرەدى, – دەيدى الماتى قالالىق جەدەل جاردەم قىزمەتىنىڭ جەدەل ءبولىمىنىڭ اعا دارىگەرى الەكساندر لازارەۆ. – سوعان قاراماستان, مەن سپورتپەن شۇعىلدانا بەرۋدى جانە تازا اۋادا وزدىگىنەن جاتتىعۋدى ۇسىنامىن.
دەنە بەلسەندىلىگى يممۋنيتەتتى كۇشەيتەدى, ال بۇل بولسا ءسىزدىڭ ۆيرۋسقا قارسى باستى قورعانىسىڭىز. ءوزىڭىزدى ناشار سەزىنسەڭىز, جاتتىعۋلاردى كەيىنگە قالدىرىپ, دارىگەرگە (تەلەفون ارقىلى) حابارلاسۋ كەرەك. جەكە گيگيەناعا كوڭىل ءبولىڭىز, سمارتفوندى جانە تۇراقتى تۇردە پايدالاناتىن باسقا دا زاتتاردى (قۇلاققاپ, كومپيۋتەر, جۇمىس ۇستەلى, پۋلسومەترلەر) ۇنەمى وڭدەپ وتىرىڭىز.
– ەنگىزىلگەن سورەلىك جارنالار قاتىسۋشىلارعا قايتارىلا ما؟
– قازىر سورەلىك جيىنتىقتاردى ءوندىرۋ اياقتالادى, سوندىقتان تىركەلگەن قاتىسۋشىلار جارنا سوماسىنىڭ 50%-ىن دايىن سورەلىك جيناق, جەڭىل جەيدە (ونى ساتىپ العان جاعدايدا) جانە فينيشەر مەدالى تۇرىندە الا الادى. ال ەنگىزگەن سوماسىنىڭ ەكىنشى جارتىسى بولسا قاتىسۋشىنىڭ كەلىسىمىمەن 2020 جىلعا جوسپارلانعان «الماتى مارافونى» قايىرىمدىلىق ماقساتتارىن جۇزەگە اسىرۋعا باعىتتالاتىن بولادى.
قاتىسۋشى اقشانى قايتارىپ العىسى كەلسە, ول ءبىزدىڭ almatymarathon.kz سايتىمىزدا ەرتەڭ, 17 ناۋرىزدا پايدا بولاتىن اقشالاي قاراجاتتى قايتارىپ الۋعا ارنالعان ارنايى ءوتىنىمدى تولتىرىپ, بىزگە vozvrat@almaty-marathon.kz مەكەنجايىنا 31 ناۋرىز, ساعات 23.59-عا دەيىن جونەلتۋى ءتيىس. ۇيىمداستىرۋ كوميتەتى كەلىپ تۇسكەن وتىنىمدەردى وڭدەگەننەن كەيىن, سورەلىك جيناقتار قۇراستىرىلادى, جانە 20 ساۋىردەن باستاپ جيناقتار بەرىلەدى جانە سۇراۋ بويىنشا اقشالاي قاراجات قايتارىلادى, – دەپ جاۋاپ بەردى «الماتى مارافونى» ديرەكتورى سالتانات قازىباەۆا.
- «الماتى مارافونى» 2020 ءۇشىن قانداي قايىرىمدىلىق ماقساتتارىن قويدىڭىز؟
– ءبىز ءىس-شارانى وتكىزبەۋ, وعان مۇقتاج ادامدارعا كومەك كورسەتۋدەن باس تارتۋعا سەبەپ بولماۋى ءتيىس دەپ ەسەپتەيمىز. سوندىقتان دا, بارلىق بەلگىلەنگەن قايىرىمدىلىق ماقساتتارىن جۇزەگە اسىرۋدى ءجون دەپ شەشتىك. بيىل 5 ءىس-شارا بولادى. «كەڭەس» مۇگەدەكتەردىڭ قوعامدىق بىرلەستىگى ءۇشىن بالالار الاڭشاسىن جابدىقتاۋدى, ەسىك قالاسىنداعى اقىل-ەسى كەمىس بالالارعا ارنالعان وبلىستىق ارنايى مەكتەپ-ينتەرناتتا فۋتبول الاڭىن سالۋدى, «SOS الماتى بالالار اۋىلىندا» ۆوركاۋتقا ارنالعان الاڭشالار سالۋدى, دامۋداعى ەرەكشەلىكتەرى بار بالالارمەن جۇمىس ىستەۋ بويىنشا «اماليا» ورتالىعىنىڭ سەنسورلىق ينتەگراتسياعا ارنالعان جابدىقتار ساتىپ الۋدى, سونداي-اق تالعار قالاسىنداعى «نۇر» بالالار ۇيىندە سپورتتىق الاڭشا سالۋدى جوسپارلاپ وتىرمىز. جوسپارلانعان قايىرىمدىلىق كومەكتىڭ جالپى سوماسى – 35 000 000 تەڭگە, – دەپ حابارلادى سالتانات قازىباەۆا.
