اتالمىش سالانىڭ بەلدى مامانى نازگۇل ولجابايقىزىنىڭ الدىنا بۇگىن دە بىرنەشە ادام كەلىپ وتىر. ونى جەرگە ورنالاستىرۋشى مامان عانا ەمەس, ۇجىم مەدياتورى دەسە دە بولعانداي. سەبەبى, جەر پايدالانۋشىلاردىڭ جەر قاتىناستارىندا تۋىنداي قالعان كەيبىرماسەلەلەرىن سوتقا جەتكىزبەي شەشۋ ءۇشىن دە تاجىريبەلى دە ءبىلىمدى ماماننىڭ كەڭەسى قاجەت. مىنە, سونداي كەڭەستى الۋ ءۇشىن ارىپتەستەرى مەن جەر پايدالانۋشىلار نازگۇل ولجابايقىزىنا جۇگىنەدى.
ء«ىس تەتىگى بىلىكتى مامان قولىندا» ەكەنى بەسەنەدەن بەلگىلى. ءوز كəسىبىنىڭ قىر-سىرىن جەتىك مەڭگەرگەن نازگۇل تومپاقوۆا ء بىلىمدى دە بىلىكتى مامان رەتىندە تانىلا ء بىلىپ, لاۋازىم بيىگىنە ساتىلاي كوتەرىلدى. سالاعا وسىدان 17 جىل بۇرىن كەلىپ, جۇمىسىن ينسپەكتورلىقتان باستاعان ول, بۇگىندە باسقارما باسشىسىنىڭ ورىنباسارىنا دەيىنگى ساتىلاردان ءوتتى.
ارينە, قىزمەت جوعارىلاعان سايىن قويىلار تالاپ, جۇكتەلەر مىندەت, اتقارار شارۋا دا اۋقىمدى بولارى زاڭدىلىق. ەڭبەك, تەك ادال ەڭبەك قانا ابىرويعا جەتكىزەتىنىن جاس كەزىنەن-اق كوڭىلىنە توقىپ, كوكەيىنە ءتۇيىپ وسكەن نازگۇل, وزىنە سەنىپ تاپسىرىلعان وسىناۋ مىندەتتى ۇلكەن جاۋاپكەرشىلىكپەن ەڭسەرىپ كەلەدى. جەردى پايدالانۋ مەن قورعاۋدى ۇيىمداستىرۋعا باعىتتالعان ءىس-شارالار, جەر پايدالانۋشىلاردىڭ اقپاراتتارىن بازاعا ەنگىزۋ, جەر ۋچاسكەسىنە مەنشىك قۇقىعىنا جانە جەر پايدالانۋ قۇقىعىنا قۇجاتتار دايىنداۋ, ولاردىڭ دەر كەزىندە ورىندالۋىن ء جىتى باقىلاۋدا ۇستاۋ ۇلكەن جاۋاپكەرشىلىك پەن بىلىكتىلىكتى تالاپ ەتەدى.
جۇمىس جەلىسى ناقتى تسيفرلارعا نەگىزدەلگەندىكتەن, قىرانداي قىراعى, ساۋىسقانداي ساق بولۋدىڭ ماڭىزى زور. وعان قوسا زامان تالابىنا ساي جاڭا باعدارلامالاردى يگەرىپ, جۇمىس تيىمدىلىگى مەن ساپاسىن ارتتىرۋ مىندەتىن دە باستى نازاردا ۇستايدى.
«وسىنداي جاۋاپتى قىزمەتتىڭ اۋىر جۇگىن ارقالاي ءجۇرىپ, نازگۇل ولجابايقىزى بويىنا بىتكەن ادامگەرشىلىك اسىل قاسيەتتەردەن ەش اينىماي, جاس ماماندارعا بىلگەنىن ۇيرەتىپ, ءتالىمدى تالىمگەر رەتىندە قامقورلىق تانىتىپ وتىرادى. دانا حالقىمىز «الماس قانجاردى جۇمساق قايراققا قايرايدى», ء«تۇسى جىلىدان تۇڭىلمە» دەپ تەگىن ايتپاعان. تابيعاتىنان كىشىپەيىل, جۇزىنەن شۋاق شاشىپ ك ۇلىمسىرەپ جۇرەتىن نازگۇل ولجابايقىزى بايىپتى دا بايسالدى مىنەزى مەن جۇمىستاعى تاباندىلىعىنىڭ ارقاسىندا ءوز ورتاسىنا سىيلى, ۇجىمىندا زور قۇرمەتكە يە. ۇلاعاتتى جاننىڭ ەل يگىلىگى جولىنداعى اتقارعان ەڭبەگى دە ەلەۋسىز ەمەس. 2007 جىلى جەر قاتىناستارى باسقارماسىنىڭ, 2019 جىلى «ازاماتتارعا ارنالعان ۇكىمەت» مك كەاق قۇرمەت گراموتالارىنا يە بولۋى ەسەلى ەڭبەكتىڭ جەمىسى», دەيدى ۇجىم قىزمەتكەرلەرى.
«نازگۇل ءبىزدىڭ ماقتانىشىمىز. ۇجىمداعى ارىپتەستەردىڭ ءبارى دە نازگۇلگە قۇرمەتپەن قاراپ, تاجىريبەسىنەن, ىسىنەن ۇلگى الادى. قىزمەت الۋشىلاردىڭ العىستارى مەن اق باتاسى قانشاما!», – دەيدى «ازاماتتارعا ارنالعان ۇكىمەت» مك الماتى قالالىق فيليلى جەر كاداسترى باسقارماسى باسشىسىنىڭ ورىنباسارى التاي نۇرقان ۇلى.
«انا – ءۇيدىڭ بەرەكەسى, بالا – ءۇيدىڭ مەرەكەسى» دەگەن عيبراتتى ءسوز بار. سول ايتپاقشى, نازگۇل ولجابايقىزى بىلىكتى مامان عانا ەمەس, ەڭ باستىسى ء ۇيدىڭ دە, ءتۇزدىڭ دە شارۋاسىن ءبىر كىسىدەي دوڭگەلەتىپ جۇرگەن اياۋلى انا. ەندى ءتاي-ءتاي باسىپ جۇرگەن ءسابيى – راحىمجان, جۇمىستاعى شارشاعانىن باساتىن كوز قۋانىشى, ءومىرىنىڭ جالعاسى. «ونىڭ ءاربىر قادامى مەن بىلدىرلاعان ءتىلى – مەنىڭ دارۋمەنىم» دەيدى جۇرەگى مەيىرىمگە تولعان نازگۇل انا.
الماتى
