ايماقتار • 14 ناۋرىز، 2020

الماتى اكىمدىگىندە كوروناۆيرۋس جۇقتىرعاندار مەن ىندەتتىڭ بەلەڭ الۋىنا جول بەرمەۋ باياندالدى

34 رەتكورسەتىلدى

2020 جىلدىڭ 13 ناۋرىزىندا قازاقستاندا كوروناۆيرۋستىق ينفەكتسيانى جۇقتىرۋ جاعدايى زەرتحانامەن راستالعانى ايان.

وسى ماسەلەگە وراي، الماتىداعى وڭىرلىك كوممۋنيكاتسيالار قىزمەتى الاڭىندا وتكەن بريفينگتە قالالىق قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ اتقارىلعان جۇمىستار مەن ىندەتتىڭ تارالۋىنا جول بەرمەۋ شارالارى تۋرالى مالىمدەدى.

«قازىرگى تاڭدا بۇل ناۋقاستار الماتى قالاسىنىڭ جۇقپالى اۋرۋلار اۋرۋحاناسىنا وقشاۋلاندىرىلدى. ددۇ ۇسىنىسىمەن بەكىتىلگەن حاتتاما بويىنشا ەمدەۋ باستالدى.

ناۋقاستىڭ ءبىرى 9 ناۋرىزدا كەلىپ، قر باس سانيتارلىق دارىگەرىنىڭ قاۋلىسىنا سايكەس 1ب ساناتى بويىنشا ءۇي كارانتينىندە بولدى. بۇل ناۋقاسپەن 1ب ساناتىنا جاتاتىن ەلدەن كەلگەن ادامدارعا ۇيدەگى كارانتين جۇيەسى قاراستىرىلعان ەدى. جالپى 1ب ساناتىنا جاتاتىن ەلدەن كەلگەندەر نەمەسە COVID-19 ۆيرۋسىنىڭ جۇعۋى ىقتيمال ازاماتتارمەن بايلانىستا بولعان جاندار سول كۇننەن باستاپ 14 كۇنگە كارانتينگە جابىلادى»، —دەدى تىلەۋحان ابىلداەۆ.

جيىندا دەنساۋلىق ساقتاۋ باسقارماسىنىڭ باسشىسى ناۋقاس اداممەن بايلانىستا بولعان بارلىق ادامدار دارىگەرلەردىڭ باقىلاۋى مەن پروۆيزورلىق ەمحانالارعا ورنالاستىرىلىپ، اۋرۋحاناعا جاتقىزىلاتىنىن اتاپ ءوتتى. ولاردىڭ بارلىعىنا كوروناۆيرۋستىق ينفەكتسياعا تالداۋ جاسالادى.

ءوز كەزەگىندە ەكىنشى ناۋقاس الماتىعا بۇگىن تۇندە گەرمانيادان ۇشىپ كەلگەن. ۇشىپ كەلگەن ساتتەن-اق وعان شەكتەۋ ەنگىزىلىپ، جۇمىس جاڭا الگوريتم مەن قاۋلىعا سايكەس جۇرگىزىلدى. ەكيپاجدى قوسا العاندا، بورتتاعى 12 ادامنىڭ بارلىعى وقشاۋلاۋلاندىرىلىپ، كارانتينگە، ينفەكتسيالىق ستاتسيونارعا ورنالاستىرىلدى. بارلىعىنان زەرتحانالىق زەرتتەۋگە تالداۋ الىندى.

الماتىداعى ۇيىمداردا دارىلىك پرەپاراتتار، جەكە قورعانۋ قۇرالدارى مەن زالالسىزداندىرۋ قۇرالدارىنىڭ قورى جەتكىلىكتى.

قازىرگى ۋاقىتتا الماتىدا كوروناۆيرۋستى ينفەكتسيامەن اۋىراتىن ادامداردى ەمدەۋ ءۇشىن ەكى جۇقپالى ستاتسيوناردا توسەك ورىندارى اشىلدى. سونداي-اق ەم-دوم جۇرگىزۋ 250 ورنى بار مەديتسينالىق ورتالىق اشىلادى. كوروناۆيرۋستىق ينفەكتسيامەن بايلانىستا بولعان ادامدار ءۇشىن 3 مەديتسينالىق ۇيىم جۇمىس ىستەيدى. قوسىمشا 1،5 مىڭنان استام ادامعا ارنالعان ءتورت مەكەمە دايىندالۋدا.

الداعى ۋاقىتتا كارانتينگە وقشاۋلاۋ ءۇشىن 3 مىڭنان استام ادامعا ارنالعان مەكەمە اشىلادى.

«ازاماتتاردىڭ كەلۋىنە قولايلى بولۋ ءۇشىن جەكە گيگيەنا قۇرالدارىنا دەيىن بارلىق قاجەتتى زاتتار دايىندالدى. ازاماتتار تاۋلىك بويى مەديتسينالىق قىزمەتكەرلەردىڭ قاداعالاۋىندا بولادى. بارلىق ازاماتتاردى تەكسەرۋ ءۇشىن تالداۋ سىنامالارى الىندى. كارانتيندەگى ازاماتتاردىڭ بارلىعىندا كاتارالدى قۇبىلىستار بايقالمايدى. دەنە قىزۋى دا جوق»، — دەدى ت. ابىلداەۆ.

ەستەرىڭىزگە سالا كەتەيىك، كوروناۆيرۋس تىركەلگەن ەلدىڭ باس سانيتارلىق دارىگەرىنىڭ قاۋلىسىنا سايكەس، مىندەتتى 14 كۇندىك كارانتينگە وقشاۋلاندىرىلادى. بۇل ادامدار 1 ا ساناتىنا جاتادى.

14 كۇندىك كارانتين اياقتالعاننان كەيىن دە 10 كۇنگە دەيىن تەلەفون ارقىلى مەدقىزمەتكەرلەردىڭ باقىلاۋىندا بولادى.

«ازاماتتاردىڭ بۇل ماسەلەگە جاۋاپكەرشىلىك تانىتىپ، تۇسىنىستىكپەن قاراۋلارىن سۇرايمىز. ويتكەنى، ءار ازاماتتىڭ دەنساۋلىعى وسىعان بايلانىستى.

بۇل 1ب ساناتى بويىنشا ءۇي كارانتينىندە جاتقاندارعا دا قاتىستى. جالپى 1ب ساناتىنا جاتاتىن ەلدەن كەلگەندەر نەمەسە COVID-19 ۆيرۋسىنىڭ جۇعۋى ىقتيمال ازاماتتارمەن بايلانىستا بولعان جاندار سول كۇننەن باستاپ 14 كۇنگە كارانتينگە جابىلادى»، — دەپ اتاپ ءوتتى مەگاپوليستىڭ باس دارىگەرى.

كارانتين كەزىندە ەمحانا قىزمەتى كۇن سايىن كاتارالدى قۇبىلىستارى بايقالعان ازاماتتاردىڭ قوڭىراۋىنا جاۋاپ بەرىپ وتىرادى. جرۆي مەن تۇماۋدىڭ بەلگىلەرى پايدا بولعان كەزدە تۇرعىلىقتى/تىركەلگەن جەرى بويىنشا ەمحاناعا حابارلاۋ قاجەت. مەديتسينالىق قىزمەتكەرلەر ۇيگە كەلىپ، تەكسەرۋ جۇرگىزەدى.

«بارلىق كەلگەن ازاماتتار وسى جاعدايعا ورتاق قاراپ، كارانتين مەرزىمىن ۇستاۋى كەرەك. تالاپقا باعىنباعاندارعا اكىمشىلىك ايىپپۇل سالىنادى. ەگەر ءۇي كارانتينىندەگى ادامنىڭ تالاپتى بۇزعانى انىقتالسا، ايماقتىق ەمحانا تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتىنە، ال ولار ءتيىستى ورگاندارعا شاعىمدانادى»، — دەدى ول.

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار