ءوز مۇز ايدىنىنداعى جەڭىستەن كەيىن باشقۇرتستاننىڭ حوككەيشىلەرى 66 ۇپايدى قورجىنعا سالدى. بۇل ولاردىڭ تۇراقتى بىرىنشىلىكتەگى 59 ويىنى ەدى. وسى ناتيجەنىڭ ارقاسىندا «سالاۆات يۋلاەۆ» پلەي-وففقا شىقتى.
وسىلايشا, بيىلعى ماۋسىمدا گاگارين كۋبوگى ءۇشىن تالاساتىن 12 كوماندا انىقتالدى. وسىعان دەيىن تسسكا (ماسكەۋ), سكا (سانكت-پەتەربۋرگ), «دينامو» (ماسكەۋ), «يوكەريت» (حەلسينكي), «اق بارس» (قازان), «اۆانگارد» (ومبى), «اۆتوموبيليست» (ەكاتەرينبۋرگ), «بارىس» (نۇر-سۇلتان), «سپارتاك» (ماسكەۋ), «سيبير» ء(نوۆوسىبىر) جانە «لوكوموتيۆ» (ياروسلاۆل) پلەي-وفف سايىسىنا جولداما العان ەدى.
