قازاقستان • 11 جەلتوقسان، 2019

الەم مويىنداعان قازاقستاندىق دامۋ مودەلى

48 رەتكورسەتىلدى

ءوزىمنىڭ وسى كۇنگە دەيىنگى ەڭبەك جولىمدا جازۋشى، جۋرناليست جانە باسىلىم جەتەكشىسى رەتىندە ءبىراز ەل باسقارعان مەملەكەت قايراتكەرلەرىنىڭ ءومىرى مەن قىزمەتىن زەردەلەدىم. بۇل كۇردەلى جانە سىندارلى كەزەڭدەردە حالىقتىڭ سەنىمىنە يە بولىپ، ۇلكەن جاۋاپكەرشىلىك ارقالاعان تۇلعالاردى تانۋعا دەگەن قىزىعۋشىلىق ەدى.

وسى جولى مەن جاڭا مەم­لەكەتتى اياعىنان نىق تۇرعىزىپ، 30 جىلداي ۋاقىت بويى ەلىن ءوسىپ-وركەندەۋگە باستاپ كەلگەن ۇلت كوشباسشىسى تۋرالى ءسوز قوزعاماقپىن. ول – قازاق­ستاننىڭ تۇڭعىش پرەزيدەنتى نۇرسۇلتان نازارباەۆ.

قازاق ەلى ەلباسى دەپ ۇلىق­تاي­تىن نۇرسۇلتان نازار­باەۆ­تىڭ تۇلعاسى قازاقستاننىڭ تاۋەلسىزدىك العان كەزىنەن باس­تاپ كاسىبي مەملەكەتتىك اپپاراتتى نىعايتۋ، قۇقىقتىق مەم­لەكەت قۇرۋ، يندۋستريالان­دىرۋ، تۇراقتى جانە بولجامدى ەكونوميكالىق ءوسۋ، ۇلت بىر­لىگىن نىعايتۋ سياقتى دامۋ كەزەڭدەرىمەن سارالانادى. ول 1991 جىلدىڭ 1 جەلتوقسانىندا العاشقى بۇكىلحالىقتىق ساي­لاۋ­دا قازاقستان پرەزيدەنتى بولىپ سايلاندى.

نۇرسۇلتان نازارباەۆتىڭ ەل باسقارعان تۇسى ءبىر ەلدىڭ تۇتاس ءبىر ءداۋىرى رەتىندە تاريحقا ەندى. ول جاۋاپتى ساتتەردە قاجىر-قايراتىن كورسەتىپ، ءوز حال­قى­نىڭ جارقىن بولاشاعى ءۇشىن بار كۇش-جىگەرىن، بىلىك-تاجى­ريبەسىن سالدى. ۇلتتىق رۋح­تى وياتىپ، قازاقستاننىڭ مەم­لە­كەتتىلىگىن نىعايتۋ ميسسيا­سى قازىرگى الەمدىك ساياسات ال­پاۋىتتارىنىڭ ءبىرى نۇر­سۇلتان نازارباەۆتىڭ يىعىنا ارتىل­دى. قازاقتار وعان تاۋەل­سىزدىك جىل­دارىنان باستاپ جاڭا ەل­دىڭ دامۋ باعدارىن ايقىن­داپ، ىرگەسىن بەكىتۋدە زور سەنىم ءبىل­دىردى. ۋاقىت تەزى بۇل تاريحي، تاع­دىرلى تاڭداۋدىڭ دۇرىس بول­عانىن كورسەتىپ بەردى.

ەگەمەندىكتىڭ نەگىزىن قالاپ، ءتيىمدى ەكونوميكا قۇرۋدا، تاتۋ-ءتاتتى تىرلىك كەشكەن حالىقتىڭ ىن­تىماعىن كۇشەيتۋدە ەلبا­سىنىڭ جۇرگىزگەن ساليقالى سايا­ساتى، قابىلداعان ۇتىمدى شەشىمدەرى، كوتەرگەن بىرەگەي باستامالارى ونى ناعىز ۇلت كوشباسشىسى رەتىندە تانىتا ءتۇستى. ول تىزگىنىن ۇستاعان ەل­دىڭ الەۋەتى ارتىپ، قوعامنىڭ جار­قىن بولاشاققا سەنىمدى قادام جاساۋىن بۇكىل الەم قازاق­ستان­دىق بارىستىڭ سەرپىلىسى دەپ باعالادى. نۇرسۇلتان نازار­باەۆ­تىڭ ناقتى جوبالارى، بۇكىل جۇيەنىڭ تۇراقتىلىعىن قولداۋى، ستراتەگيالىق جوس­پارلاۋى جانە دامۋ كەزەڭىن ايقىنداعان پراگماتيكالىق ءتاسىلى مەملەكەتتى قالىپتاستىرۋ جولى تابىستى ناتيجەلەرگە قول جەتكىزۋگە مۇمكىندىك بەردى.

وسى ۋاقىت ارالىعىندا قا­زاق­ستان ەكونوميكاسى ەڭ جىلدام دامىپ كەلە جاتقان ەلدەردىڭ ءبىرى رەتىندە ەرەكشەلەندى. تۇڭ­عىش پرەزيدەنتتىڭ سۇبەلى ۇلە­سى­نىڭ جانە حالىقتىڭ قۋات­تى قولداۋىنىڭ ارقاسىندا قا­زاق­ستاننىڭ دامۋ مودەلى الەم­دە كەڭىنەن تارالا باستادى. بۇل مودەل ەۆوليۋتسياسىن تە­رەڭ­نەن تارتاتىن مەملەكەتتىڭ بىرتىندەپ جانە سەنىمدى دامۋىن بىلدىرەدى.

مەن قازاقستاندا 2019 جىل­دىڭ 9 ماۋسىمىندا دەموكرا­تيا­لىق سايلاۋ كەزىندە بولدىم. سول كەزدە مەن سايلاۋ ۋچاس­­كەسىندە جوعارى مارتەبەلى نۇر­­سۇلتان نازارباەۆتى قارسى الىپ، قولىن الدىم. مەن حا­لىقارالىق باقىلاۋشى رەتىندە سايل­اۋ پروتسەسىنە قاتىستىم جا­نە بۇل ساياسي ناۋقاننىڭ ءادىل وت­كەنىن سەنىمدى تۇردە ايتا الامىن.

 

فلورەنتين سكالەتسكي،

جۋرناليست، رۋمىنياداعى ادام قۇقىقتارىن قورعاۋ جونىندەگى ۇيىمنىڭ پرەزيدەنتى

 

AMOS News گازەتى

 

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار