23 تامىز، 2019

ورال جانە پاۆلودار وبلىستارىندا مەدساقتاندىرۋ جۇيەسىنە دايىندىق جوعارى

12 رەتكورسەتىلدى

ءمامس تۋرالى اقپارات كوشە بيلبوردتارى مەن قوعامدىق كولىكتەرگە ءىلىنىپ جاتىر.

2019 جىلدىڭ 23 تامىزىندا ورال جانە پاۆلودار قالالارىندا وتكەن وڭىرلىك شتاب وتىرىسىندا وبلىستاردىڭ مىندەتتى الەۋمەتتىك مەديتسينالىق ساقتاندىرۋدى ء(مامس) ەنگىزۋگە دايىندىق بارىسى پىسىقتالدى. وتىرىسقا سپيكەر رەتىندە قاتىسقان الەۋمەتتىك مەديتسينالىق ساقتاندىرۋ قورى باسقارما توراعاسىنىڭ ورىنباسارى ەريك ءبايجۇنىسوۆ قور مەديتسينالىق قىزمەتتەردى ساتىپ الۋ جانە تولەم جاساۋ جۇيەسىن جەتىلدىرىپ، ولاردىڭ ساپاسىن مۇقيات باقىلاپ وتىراتىنىن ايتتى.

باستىسى، حالىقتىڭ ءمامس جۇيەسى قولدانىسقا ەنگىزىلگەننەن كەيىن قانداي اسەر بەرەتىنىن تۇسىنگەنى ماڭىزدى. سەبەبى، قوردىڭ وڭىرلىك جەتكىزۋشى مەكەمەلەرىنىڭ قىزمەتىن جەرگىلىكتى تۇرعىنداردىڭ كوپشىلىگى پايدالانادى. پاۆلودار قالاسىندا وتكەن وڭىرلىك شتاب وتىرىسىنا قاتىسقان مسق باسقارۋشى ديرەكتورى نۇرلان قاسىموۆ تا حالىقتى جاڭا جۇيە جونىندە اقپاراتتاندىرۋدىڭ ماڭىزدىلىعى تۋرالى ەرەكشە اتاپ ءوتتى.

وبلىس اكىمىنىڭ ورىنباسارى اسحات ورالوۆ پاۆلودار وبلىسىندا اقپاراتتىق-تۇسىندىرمە جۇمىستارىنا ەرەكشە كوڭىل ءبولىنىپ جاتقانىن جەتكىزدى. مەديتسينالىق ساقتاندىرۋعا قاتىستى كورنەكتى اقپارات كوشە بيلبوردتارىندا، LED-ەكرانداردا، قوعامدىق كولىكتەر، تۆ، راديولاردا بەينە جانە اۋديو روليكتەر ناسيحاتتالۋدا. 

سوڭعى جاڭالىقتار

كوروناۆيرۋسسىز قوستاناي

ايماقتار • كەشە

ۇقساس جاڭالىقتار