پوليتسيا دەپارتامەنتى باسشىلىعىنىڭ ايتۋىنشا, پوليتسەيدىڭ جۇمىس كەستەسى تۇراقسىز. سول سەبەپتى, جۇمىس ۋاقىتىندا باسقا دا الەۋمەتتىك ماسەلەلەرگە الاڭداماس ءۇشىن باسشىلىق تاراپىنان وسىنداي قولداۋ جاساۋدى ۇيعارعان.
–90 پاتەرلى ءۇيدىڭ كىرپىشى قالانۋدا. تۇرعىن ءۇي جيناق بانكى سالىمشىلارى ءۇشىن ءتيىمدى مۇمكىندىك تۋىپ وتىر. بىزگە جۇكتەلگەن تاپسىرمالاردىڭ ءبىرى ول قىزمەتكەرلەردى تۇرعىن ۇيمەن قامتاماسىز ەتۋ بولاتىن. وسى باعىتتى ىسكە اسىرۋ ماقساتىندا بۇگىن مەموراندۋمعا قول قايىلدى. بۇگىندە قىزمەتكەرلەر اراسىندا 255 سالىمشى بار. ولاردىڭ ىشىنەن ىرىكتەلىپ كەلەسى جىلى كاسىبي مەرەكەمىز قارساڭىندا 90 جانۇيا باسپانالى بولادى,–دەيدى وبلىستىق پوليتسيا دەپارتامەنتى باستىعىنىڭ ورىنباسارى ۆيكتور بۋكرەەۆ.
9 قاباتتى ءۇيدىڭ قۇرىلىسى اعىمداعى جىلدىڭ مامىر ايىنان باستالعان. جوسپار بويىنشا كەلەسى جىلى پايدالانۋعا بەرىلەدى دەپ كۇتىلۋدە. پوليتسيا قىزمەتكەرلەرى ءۇشىن باسپانالى بولۋدىڭ جاڭاشا جەڭىلدىكتەرى جاسالىپ وتىر.
–بۇل ءبىزدىڭ بانك سالىمشىلارى ءۇشىن وتە ءتيىمدى كەلىسىم بولىپ وتىر. سەبەبى قۇقىق قورعاۋ ورگاندارى قىزمەتكەرلەرىنىڭ جۇمىسى وتە جاۋاپتى قىزمەت. سالىمشىلار بۇرىنعىداي كەزەكتە تۇرىپ ۋاقىت كەتىرمەيدى. بۇل ەل كولەمىندە جاسالعان العاشقى كەلىسىم.بارلىعى جاقسى ورىندالسا الداعى ۋاقىتتا پوليتسيا قىزمەتكەرلەرىن باسپانامەن قامتۋدى جالعاستىراتىن جوسپار بار,–دەيدى وبلىستىق تۇرعىن ءۇي قۇرىلىس جيناق بانكىنىڭ ديرەكتورى المات نۇراحمەتوۆ.
بۇل پوليتسيا قىزمەتكەرلەرى مەن تۇرعىن ءۇي قۇرىلىس جيناق بانكى اراسىندا العاش رەت جاسالىپ وتىرعان كەلىسىم. تۇرعىن ءۇي قۇرىلىس جيناق بانكى جۇمىس بەرۋشىلەرگە ءوز قىزمەتكەرلىرىنىڭ تۇرعىن ءۇي ماسەلەلەرىن شەشۋگە جاردەمدەسىپ وتىر. اتالعان الەۋمەتتىك باعدارلاما اياسىندا الداعى ۋاقىتتا پوليتسيا قىزمەتكەرلەرىن 100 پايىز باسپانامەن قامتۋ جوسپارلانۋدا.
