بايتەرەك اۋداندىق پوليتسيا ءبولىمى قىزمەتكەرلەرى شىلدە ايىندا اشكەرەلەگەن توپتىڭ ازىرگە بايتەرەك, ءبورلى جانە تاسقالا اۋداندارى اۋماعىندا 6 مال ۇرلىعىنا قاتىسى بولعانى انىقتالىپ وتىر. ۇرىلار 8 قوي, 3 سيىر, 1 جىلقى – بارلىعى 13 باس مالدى قولدى قىلعان. تۇتقىندالعان توپتىڭ ىشىندە بايتەرەك, ءبورلى, اقجايىق اۋداندارىنىڭ تۇرعىندارى بار.
«قازىر ۇرلىق وقيعاسى بويىنشا سوتقا دەيىنگى تەرگەۋ جۇمىسى ءجۇرىپ جاتىر» دەيدى پوليتسيا دەپارتامەنتى.
بۇدان بۇرىنىراق جاڭاقالا جانە بوكەي ورداسى اۋداندارىنىڭ تۇرعىندارىن زارلاتىپ جۇرگەن 3 ادامدىق توپ ۇستالعان بولاتىن. بۇل قىلمىستىڭ تەرگەۋى تاياۋدا اياقتالىپ, سوتقا جىبەرىلمەك. ولارعا 13 ۇرلىق فاكتىسى بويىنشا ايىپ تاعىلىپ وتىر.
جىل باسىنان بەرى باتىس قازاقستان وبلىسىندا مال ۇرلىعىنا قاتىستى 13 قىلمىستىق توپ اشكەرەلەنىپ, 87 ادام قاماۋعا الىنعان.
باتىس قازاقستان
