قوعام • 23 شىلدە، 2019

«جاس كاسىپكەر» جوباسىنا بەلگىلى سپورتشى ارداق نازاروۆ قوسىلدى

152 رەت كورسەتىلدى

ەرەجەسىز كۇرەستەن ءۇش دۇركىن الەم چەمپيونى جانە قوعام قايراتكەرى ارداق نازاروۆ «ەڭبەك» مەملەكەتتىك باعدارلاماسى اياسىندا «اتامەكەن» ۇكپ جۇزەگە اسىرىپ وتىرعان «جاس كاسىپكەر» جوباسىنىڭ بەت-بەينەسىنىڭ بىرىنە اينالىپ وتىر.

بيىلعى 22 شىلدەدەن بەرى ەلىمىزدىڭ بارلىق قالالارى مەن اۋداندارىنداعى 200 مەكتەپتە بيزنەس نەگىزدەرى بويىنشا ءبىلىم الۋعا نيەت بىلدىرۋشىلەر كاسىپكەرلىكپەن اينالىسۋعا دەگەن ىنتاسىن انىقتاۋ ماقساتىندا تەستىلەۋدەن ءوتىپ جاتىر.

2019 جىلى مەملەكەتتىك باعدارلاما بويىنشا كاسىپكەرلەردى وقىتۋدىڭ جالپى سانى پرەزيدەنتتىڭ تاپسىرماسى بويىنشا ەكى ەسەگە ارتتى. ەكى وقۋ باعدارلاماسىندا 75 مىڭ ادام ءوزىن-ءوزى جۇمىسپەن قامتىعان، جۇمىسسىز جانە كوپ بالالى وتباسىلاردىڭ مۇشەلەرى وقىتىلادى، ولاردىڭ تەڭ جارتىسى – 18-29 جاس ارالىعىنداعى جاستار بولادى.

«بالالارمەن جاتتىعۋ كەزىندە جانە ءبىزدىڭ مەكتەبىمىزدە 500-دەن استام سپورتشى بار، سونداي-اق جاستارمەن كەزدەسكەندە مەن ارقاشان ادامگەرشىلىكتىك  تاربيەنىڭ قاجەتتىلىگى تۋرالى ايتامىن. بۇل ەڭبەككە باۋلۋ، اتا-انانى قۇرمەتتەۋ سياقتى وزگەرمەيتىن قۇندىلىقتار. الەۋمەتتىك جەلىلەردەن «جاس كاسىپكەر»، «باستاۋ» وقۋ جوبالارى تۋرالى اقپاراتتى كورىپ، ونى جاستار قولدايتىنىن كورگەندە، مەن دە ءوز ۇلەسىمدى قوسۋدى ءجون كوردىم»،  دەدى تانىمال كۇرەسكەر.

«كاسىپ، جەكە بيزنەس جۇرگىزۋ، باي بولۋ جاقسى، بىراق ول ەڭبەكقورلىق ارقىلى كەلەدى. مەنىڭ دوستارىم، تانىستارىم جانە بيزنەسمەندەر مەنەن دە ەرتەرەك تۇرىپ، ءتۇن ورتاسىندا عانا ۇيىقتايدى. نەلىكتەن؟ سەبەبى، ولار تەك وزدەرى ءۇشىن عانا ەمەس، جۇمىس ءۇشىن، ءوز كومانداسى ءۇشىن، اينالاداعىلار ءۇشىن دە جاۋاپ بەرەدى. بۇل بيزنەس پەن سپورتتىڭ اراسىنداعى ورتاق نارسە»، دەپ اتاپ ءوتتى ارداق نازاروۆ.

ءبىلىم بەرۋ جوبالارىنىڭ ەرەكشەلىگى – وقىتۋ، قارجىلاندىرۋ جانە سۇيەمەلدەۋ سىندى ءۇش نەگىزگى ەلەمەنتتى بىرىكتىرۋ. 22 شىلدەدەن باستاپ 200 مىڭعا تارتا جاس جانە كوپ بالالى وتباسىلاردىڭ مۇشەلەرى بۇكىل قازاقستان بويىنشا 200 سىنىپتا كاسىپكەرلىك نەگىزدەرىن وقي باستادى. ءبىر قىزىعى، 60 سىنىپ ەلوردا جانە ءىرى الماتى، شىمكەنت قالالارىندا ورنالاسقان. ءدال وسى قالالاردا تۇراقتى تابىسى جوق ءوزىن-ءوزى جۇمىسپەن قامتىعان جانە جۇمىسسىز جاستاردىڭ كوپ بولىگى شوعىرلانعان.

– مەن جوبالاردى العا جىلجىتۋدا جاستار اراسىندا تانىمال ادامداردى تارتۋ تۋرالى «اتامەكەننىڭ» باستاماسىن قولدايمىن. ويتكەنى، بۇگىندە الەۋمەتتىك جەلىلەر نەگىزگى اقپارات كوزى بولىپ وتىر. سوندىقتان اتاقتى سپورتشىلاردى، شوۋ-بيزنەس جۇلدىزدارىن قوعامىمىزدىڭ ءال-اۋقاتىن نىعايتۋعا باعىتتالعان وسىنداي الەۋمەتتىك باستامالاردى ىلگەرىلەتۋگە شاقىرامىن، – دەدى ا.نازاروۆ. – مەن جاستاردى باتىلدىقپەن العا ۇمتىلۋعا، ەشتەڭەدەن قورىقپاۋعا شاقىرامىن. مەملەكەت جاستاردى قولداۋدا ۇلكەن جۇمىس اتقارادى: جاستارعا ءبىلىم عانا ەمەس، سونىمەن قاتار گرانتتار مەن نەسيەلەر دە بەرىلۋدە».

سپورتشى جاستاردى مەملەكەتتىك قولداۋ شارالارىن قولدانۋعا شاقىرعان بەينەروليككە ءتۇستى. ۇيىمداستىرۋشىلار اتاقتى تۇلعالارمەن ۆيرۋستىق بەينەلەر سەرياسىن دايىنداۋدى جوسپارلاپ وتىر.

جۇمىسسىز جانە ءوزىن-ءوزى جۇمىسپەن قامتىعان جاستار نەمەسە كوپ بالالى وتباسىلاردىڭ مۇشەلەرى «جاس كاسىپكەر» جوباسىنا قاتىسا الادى. ول ءۇشىن ءوتىنىمدى qoldau.atameken.kz سايتىنا جىبەرۋ كەرەك. پالاتا فيليالدارى نەمەسە «اتامەكەن» ۇكپ بايلانىس ورتالىعى – 1432 نومىرىنە قوڭىراۋ شالا الاسىز (قوڭىراۋ شالۋ تەگىن).

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار