قازاقستان • 23 شىلدە، 2019

قازاق كاسىپكەرلەرى ءبىر ايدا تاجىكستانعا ەكى رەت باردى

113 رەتكورسەتىلدى
ء

بىر ايدىڭ ىشىندە قازاقستان كاسىپكەرلەرى دۋشانبەگە ەكى رەت بارعان. ياعني 11 شىلدەدە، ودان كەيىن 18 شىلدەدە دۋشانبەگە كەلگەن قازاقستاندىق دەلەگاسيالار ساۋدا-ساتتىقتى ۇلعايتۋعا ارەكەت ەتىپ وتىر.

ەكسپورتشىلار ءۇشىن بيىل 9-شى رەت وتكەن جىل سايىنعى ساۋدا-ەكونوميكالىق ميسسياسى قازاقستاندىق تاۋارلاردىڭ تاجىكستان نارىعىندا ساۋداسىن جۇرگىزىپ، جەرگىلىكتى كاسىپكەرلەرمەن بايلانىس ورناتۋدى كوزدەيدى.

تاجىكستاننىڭ ءتاراپى ۇشىن بۇل – نەعۇرلىم ءتيىمدى باعالار مەن جەتكىزۋ شارتتارى ەكەندىگى ايان. وسى كەزدەسۋلەردە قاجەتتى قۇرال-جابدىقتاردى ساتىپ الۋ ءارى ەلدەن تىسقارى سەرىكتەستەردىڭ قولداۋىنا يە بولۋ قاراستىرىلعان.

ەكى ەلدىڭ شەكارالارى شەكتەسپەيتىندىگىنە قاراماستان، قازاقستان 10 جىلدان بەرى تاجىكستاننىڭ سىرتقى ساۋدا ارىپتەسى بولىپ تابىلادى جانە ەكى ەل وكىلدەرىنىڭ پىكىرىنشە، قازاقستان تاجىكستاننىڭ باستى ساۋدا سەرىكتەسى رەتىندە قالىپتاسۋىنىڭ كەلەشەگى بار.

ماسەلەن، وتكەن 2018 جىلدىڭ قورىتىندىسى بويىنشا مەملەكەتتەر اراسىنداعى تاۋار اينالىمى 845 ميلليون دوللاردى قۇراعان. ءبىراق، دۋشانبە مەن نۇر-سۇلتان قالالارى ەكىجاقتى تاۋار اينالىمىن ەكى ميلليارد دوللارعا دەيىن جەتكىزۋدى جوسپارلاپ وتىر.

ول ءۇشىن ۇكىمەت «2018-2022 جىلدارعا ارنالعان تاجىكستان مەن قازاقستان اراسىنداعى تاۋار اينالىمىن ۇلعايتۋ جونىندەگى جول كارتاسىن» دايىنداپ جاتىر. بۇدان باسقا، ەلدە 2007 جىلدان بەرى قازاقستان-تاجىكستان تىكەلەي ينۆەستيسيالار قورى جۇمىس ىستەيدى.

سونداي-اق پرەمەر-مينيستر اسقار مامين مەن پرەزيدەنت ەمومالي راحموننىڭ جۋىرداعى كەزدەسۋى نۇر-سۇلتان مەن دۋشانبەنىڭ جاقىنداۋىنىڭ كەزەكتى ايعاعى ەكەنىن كورسەتىپ بەردى.

وسى ساپارلاردىڭ ناتيجەسىندە ەكى تاراپ جالپى سوماسى 80 ميلليون دوللاردان اساتىن قازاقستان-تاجىكستان ىنتىماقتاستىعىن نىعايتۋعا باعىتتالعان وننان استام قۇجاتقا قول قويىلعانىن ايتا كەتۋ كەرەك.

وسىلايشا، 11 شىلدەدە ساۋدا-ەكونوميكالىق ميسسيا وتىرىسىندا Hyundai Trans Kazakhstan وكىلدەرى تاجىكستانعا 50 JAC ماشيناسىن جەتكىزۋدى تالقىلاسا، ؛ PALLANT TRADE جشس ونىمدەرىن كونسەرۆىلەۋ زاۋىتى 1 ميلليون دوللارعا «تادجەروكونتراكت» ءىرى ديستريبيۋتورلىق كومپانياسىمەن قول قويدى.

بىر اپتادان كەيىن دۋشانبەدەگى ساۋدا-ەكونوميكالىق ميسسياسىنىڭ كەلەسى وتىرىسىنا تاجىك ەكونوميكاسى ۇشىن ماڭىزدى ەنەرگەتيكالىق سالامەن بايلانىستى قازاقستاندىق كومپانيالار كەلدى.

تاجىك اگرارلارىن بيدايدى كراحمالدان بيووتىنعا دەيىن تەرەڭ وڭدەۋمەن اينالىساتىن KazFoodProducts كومپانياسىنىڭ جانە بيو-Katu فيرماسىنىڭ ونىمدەرىن ورگانيكالىق تىڭايتقىشتارعا قايتا وڭدەيتىن ونىمدەرى قىزىقتىرادى. سول سياقتى 18 شىلدەدە كومپانيا «سينوتەحنيكس تاجىكستانمەن» ارىپتەستىك قارىم-قاتىناس تۋرالى مەموراندۋمعا قول قويىلدى. سول كۇنى «باراكاتي يستيكلول» «تۇرگەن-ەكوپرودۋكت» كومپانياسىمەن ارا شارۋاشىلىعى ونىمدەرىن جەتكىزۋ تۋرالى كەلىستى».

قازاقستان تاراپىنان ساۋدا-ەكونوميكالىق ميسسياسىن ۇيىمداستىرۋعا يندۋستريا جانە ينفراقۇرىلىمدىق دامۋ مينيسترلىگى مەن «اتامەكەن» ۇلتتىق كاسىپكەرلەر پالاتاسى جانە قازاقستاننىڭ سىرتقى ساۋدا پالاتاسى ۇيىتقى بولدى.

باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

«جوعالمايسىڭ، جوقتاۋشى حالقىڭ باردا...»

رۋحانيات • 20 قىركۇيەك، 2019

ايماقتىڭ ەكسپورتتىق مۇمكىندىگى ارتۋدا

ايماقتار • 20 قىركۇيەك، 2019

كوك ايدىندا كورشىلەر جاتتىعۋدا

ايماقتار • 20 قىركۇيەك، 2019

ۇقساس جاڭالىقتار