ماسكەۋدە نەمەسە پاريجدە, مادريدتە, ريمدە, ياكي پەتەربۋرگتە «15:15 - تەگى ساياحاتتار» جوباسىنىڭ ەكسكۋرسيالارى – بۇل قالامەن جىلدام, قىزىقتى جانە تەز تانىسۋدىڭ ءتاسىلى: تانىمال جەرلەر, پايدالى كەڭەستەردى قامتىپ, قازىرگى زاماناۋي ومىرگە ساپار شەكتىرەدى. جوبا دەربەس ساياحاتشىلار مەن كاسىبي گيدتەردى بىرىكتىرەدى. ولار قالانى سىرالعى دوستارىمەن بىرگە ءجۇرىپ سەرۋەندەگەندەي اسەر قالدىرادى. ساياحاتتاردىڭ باعىتتارى – كورنەكى جەرلەر مەن جەرگىلىكتى حالىق جاقسى كورەتىن «تۋريستىك ەمەس» ورىنداردى بىرىكتىرەدى.
«ءبىز ءوزىمىزدىڭ ماقتان تۇتاتىن شاھارىمىزدى كورسەتكىمىز كەلەدى. قالامىزدىڭ ءارتۇرلى ۇلتتاعى – قازاق قوناەۆ, فرانتسۋز گۋردە, ورىس كالمىكوۆ جانە تاعى باسقالارى – قالامىزدىڭ اتاقتى تۇرعىندارى جاقسى كورگەندەي قوناقتارىمىز دا ىستىق لەبىزبەن قالامىزدى جاقسى كورىپ, ولاردىڭ قايتا-قايتا كەلگەنىن قالايمىز», – دەيدى «الماتىدا 15:15-تە» جوباسىنىڭ باسشىسى ەكاتەرينا كورچاگينا.
اتالمىش جوبانىڭ نەگىزىن قالاۋشى جانە عالامدىق ديرەكتورى يۋري تسىبۋلكو: «15:15-تەگى ساياحاتتار» جوباسى جاڭا دەڭگەيدەگى ميني-توپتاردا سەرۋەندەۋ فورماتىنا كىرەدى جانە قوناقتار ءجيى ايالدايتىن الماتى تۇرعىندارى ءۇشىن كومەكشىگە اينالۋ كەرەك. ال قازاقستاننىڭ بارلىق تۇرعىندارىن حالىقارالىق جەلىنىڭ بولىگى بولىپ تابىلاتىن وزگە قالالارداعى «15:15-تەگى ساياحاتتار» ەكسكۋرسيالارىندا قۋانا قارسى الامىز» دەيدى.
15:15 فورماتىنداعى سەرۋەندەۋ قازىرگى كۇندەرى «كونە قالا» دەپ اتالاتىن, ال ءحىح عاسىردا «جاڭا قالا» دەپ اتالعان – الماتىنىڭ قاق ورتاسىندا ورنالاسقان ۆوزنەسەنسكي شىركەۋىنىڭ ەسىگىنەن باستالادى. ءارى قاراي باعدار جاياۋ جۇرگىنشىگە قولجەتىمدى ەڭ تانىمال قالانىڭ كورنەكى جەرلەرىنەن وتەدى.
تۋريستەر الدىمەن زاماناۋي «ارت ي شوك» تەاترىنىڭ جانىندا سەرۋەندەيدى, ول تولىعىمەن ءوزىنىڭ اتىنا سايكەس كەلەدى, پانفيلوۆشى – باتىرلاردىڭ داڭق مەموريالىن كورەدى, قالانىڭ باستى جاياۋ جۇرەتىن كوشەسىنىڭ تاريحىمەن تانىسادى. ماسەلەن, بۇل كوشە ءار جىلدارى كازارمەننايا, كەيىن كراسنوارمەيسكايا, ال قازىر پانفيلوۆا كوشەسى بولدى. ايگىلى «اراسان» مونشالارىن كورەدى جانە قالادا وسى مونشا كەشەنى قالاي پايدا بولعاندىعىن بىلەدى. سونىمەن قاتار, تاريحى 160 جىلدى قۇرايتىن اتاقتى «كوك بازاردى» ارالايدى. سونىمەن وسى جەردە باعدار اياقتالادى, سەبەبى الماتىنىڭ بازارىن ارالاۋ – بۇل بەس مينۋتتىق, ءتىپتى ءبىر ساعاتتىق ءىس ەمەس.
سونىمەن بىرگە قالا قوناقتارىنا ميني-تۋرلاردا الماتى نەلىكتەن مىڭ قۇبىلعان بوياۋلار قالاسى ەكەندىگىن ءبىلىپ, ايگىلى قالا تۇرعىندارى تۋرالى اڭىز اڭگىمەلەر تىڭدايدى جانە الۋان ءتۇرلى مادەنيەتى مەن كوپ ەتنوستىق ەرەكشە رۋحتى جانە عاجاپ اتموسفەراسىنا ۇلى جىبەك جولىنىڭ قالاي بولەگەنىن ۇعادى.
الماتى
