«تسيفرلىق قازاقستان – بولاشاققا باعدار» تاقىرىبىنداعى ءىس-شارالار اياسىندا ماۋسىم ايىندا باستاۋ العان «تسيفرلان! ترەندتە بول!» اكتسياسىنا قاتىسۋشىلار سانى ارتىپ كەلەدى. جاستار, ستۋدەنتتەر ءوز قاتارلاستارىن ۇيرەتىپ وتىر. اكتسياعا قالانىڭ ءماسليحات دەپۋتاتتارى, قوعامدىق كەڭەس مۇشەلەرى دە قولداۋ كورسەتىپ قاتىستى. الداعى ۋاقىتتا مۇنداي شارالاردىڭ ماڭىزدىلىعى ارتىپ, تسيفرلىق ساۋاتتى تۇرعىندار كوبەيە بەرەدى دەپ ۇمىتتەنەمىز», دەيدى شارا ۇيىمداستىرۋشىسى, حالىقارالىق «جاناشىر» قورىنىڭ پرەزيدەنتى جاڭىل اپەتوۆا.
شارا بارىسىندا «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ماماندارى تۇركسىب اۋدانىنىڭ ءارتۇرلى ساناتتاعى تۇرعىندارىنا ەلەكتروندىق ۇكىمەت پورتالىنان تسيفرلىق قىزمەتتەردى الۋ, ەسق-نى, سمارتفونداعى Telegram قوسىمشاسىنىڭ Egovkzbot جانە Mgov قوسىمشالارىن پايدالانۋ جولدارىن ۇيرەتتى.
كورپوراتسيانىڭ تۇركسىب اۋداندىق فرونت-وفيس باسشىسىنىڭ ورىنباسارى گۋناري ماتسۋبا ونلاين رەجىمدە الۋعا بولاتىن مەملەكەتتىك قىزمەتتەر جايلى بايانداسا, ماماندار ءاربىر قىزمەتتى الۋدى قادام بويىنشا سلايدپەن ءتۇسىندىردى. قولداعى تەلەفون ارقىلى دا مەملەكەتتىك قىزمەتتى الۋعا بولاتىنىن ەستىگەن اعا بۋىن, تاڭدانىستارىن جاسىرا المادى.
شاراعا قاتىسقان الماتى قالاسى قوعامدىق كەڭەسى پرەزيديۋمىنىڭ مۇشەسى مايرا ساعىمبەكوۆا «تسيفرلىق قازاقستان» مەملەكەتتىك باعدارلاماسىنىڭ ماڭىزدىلىعىنا توقتالدى.
ايتا كەتەيىك, قازىرگى ۋاقىتتا تەلەگرام-بوت (@EgovKzBot) ارقىلى مەملەكەتتىك قىزمەتتەردىڭ 25 ءتۇرى قولجەتىمدى. بۇل مەكەنجاي انىقتامالارىن, زەينەتاقى اۋدارىمدارى تۋرالى انىقتامالاردى, پسيحو جانە ناركوديسپانسەردەن انىقتامالاردى, سونداي-اق كەزەكتى ونلاين برونداۋ, دارىگەردى ۇيگە شاقىرۋ سياقتى باسقا دا انىقتامالاردى الۋعا بولادى.
ءموبيلدى mGov.kz قوسىمشا ارقىلى ءبىلىم بەرۋ, وتباسى, جىلجىمايتىن م ۇلىك, دەنساۋلىق ساقتاۋ سىندى سالالار بويىنشا توقسان مەملەكەتتىك قىزمەت قولجەتىمدى.
سمارتفون يەلەرى بۇل قوسىمشانى بىلتىر 1,3 ملن رەت جۇكتەپ, 3,6 ملن قىزمەت العان.
رەەستردەگى 752 مەملەكەتتىك قىزمەتتىڭ 506-سى, ياعني 67%-ى ەلەكتروندىق فورماتتا قولجەتىمدى. جىل وتكەن سايىن ەلەكتروندىق جولمەن كورسەتىلەتىن قىزمەت سانى ءوسىپ وتىرادى, 2020 جىلى ونىڭ ۇلەسى 90% قۇراۋى ءتيىس.
بۇگىندە حالىقتىڭ تسيفرلىق ساۋاتتىلىعىنىڭ دەڭگەيى 77%-عا جەتتى. 2022 جىلعا قاراي ونى 83% -عا دەيىن ارتتىرۋ كوزدەلگەن.
شارا اقپارات جانە قوعامدىق دامۋ مينيسترلىگى ازاماتتىق باستامالاردى قولداۋ ورتالىعىنىڭ قولداۋىمەن «رۋحاني جاڭعىرۋ» باعدارلاماسىن ىلگەرىلەتۋ تاقىرىبىنداعى جوبا اياسىندا ءوتتى.
