ايماقتار • 11 شىلدە، 2019

الماتىدا «بۇل جەردە سەنى كۇتەدى» جاستار دەنساۋلىعى ورتالىعى اشىلدى

220 رەت كورسەتىلدى

جاستار جىلىنا وراي بۇل كۇندەرى الماتىدا اتقارىلعان اۋقىمدى ءىستىڭ ءبىرى – «بۇل جەردە سەنى كۇتەدى» جاستار دەنساۋلىعى ورتالىعىنىڭ رەسمي تۇردە اشىلۋى بولىپ وتىر.

جاڭا ورتالىق  – جاستار ءۇشىن ارنايى ازىرلەنگەن جانە بوزبالا شاقتان ەرەسەك ومىرگە قاۋىپسىز وتۋگە ىقپال ەتەتىن ومىرلىك ماڭىزدى داعدىلاردى دامىتۋعا باعىتتالعان اقپارات پەن قىزمەتتەردى ۇسىناتىن رەسۋرستىق حاب.

بۇل شاراعا دەنساۋلىق ساقتاۋ مينيسترلىگى، الماتى قالاسىنىڭ اكىمدىگى جانە بىرىككەن ۇلتتار ۇيىمىنىڭ حالىق سالاسىنداعى قورى (يۋنفپا) ۇيىتقى بولىپ وتىر.

اتالمىش ورتالىقتى قۇرۋ دەنساۋلىق ساقتاۋ مينيسترلىگىنىڭ ساپالى اقپارات پەن قىزمەت كورسەتۋ ارقىلى جاستاردىڭ قۇقىقتارى مەن مۇمكىندىكتەرىن كەڭەيتۋ جونىندەگى جۇمىس باعدارلاماسىنىڭ ءبىر بولىگى بولىپ تابىلادى. ءوز كەزەگىندە يۋنفپا ورتالىققا ترەنينگتەر مەن باسقا دا قولداۋ تۇرلەرىن ۇسىنادى، ونىڭ ىشىندە باسقا ەلدەرمەن ۇزدىك تاجىريبەلەرمەن الماسۋعا ىقپال ەتىپ ءارى ورتالىقتىڭ قۇرىلىپ، دامۋىنا م ۇلىكتىك ۇلەس قوستى.

جاسوسپىرىمدەر مەن جاستاردى ورتالىقتا ولارمەن ءوزارا ءىس-قيمىل جاساۋعا ارنايى وقىتىلعان ساراپشىلار قابىلدايدى. مۇندا جاسوسپىرىمدەر گينەكولوگى، اندرولوگ، پسيحولوگ، الەۋمەتتىك قىزمەتكەر جانە باسقا دا ماماندار جۇمىس ىستەيدى. 

«جاستاردىڭ قۇقىقتارى مەن مۇمكىندىكتەرى بولسا، ولار وزگەرىستىڭ ءتيىمدى قوزعالتقىشىنا اينالادى. جاستاردىڭ جاسوسپىرىمدىك جاستا قانشالىقتى جاقسى باعدارلانعانى ولاردىڭ ءوز ءومىرىنىڭ بۇدان كەيىنگى بارىسىن عانا ەمەس، ولاردىڭ ورتاسى مەن جالپى قوعامنىڭ دامۋىن دا ايقىندايدى، – دەدى يۋنفپا-نىڭ قازاقستانداعى وكىلى جانە قىرعىزستان مەن تۇرىكمەنستان ەلدەرىندەگى ديرەكتور بولىپ تابىلاتىن دجۋليا ۆالەزە.  – الايدا جاستاردىڭ دەنساۋلىعىنا ينۆەستيتسيا سالماي ولاردىڭ الەۋەتىن تولىق جۇزەگە اسىرۋ مۇمكىن ەمەس. جاستار دەنساۋلىق ورتالىعى جىگىتتەر مەن قىزدار وزدەرىنىڭ فيزيكالىق، ەموتسيالىق، پسيحولوگيالىق دامۋىنا قاتىستى سۇراقتارعا جاۋاپ الاتىن، سونداي-اق وزىنە دەگەن سەنىمدىلىكتى دامىتۋ، كوشباسشىلىق قاسيەتتەردى قالىپتاستىرۋ سياقتى تاعى دا باسقا  ومىرلىك ماڭىزدى داعدىلارعا يە بولاتىن ورىن بولادى».

جاقىندا جۇرگىزىلگەن زەرتتەۋ قازاقستاندا 15-19 جاس ارالىعىنداعى جاسوسپىرىمدەردىڭ ۇشتەن ءبىرى جىنىستىق تۇرعىدان بەلسەندى ەكەنىن كورسەتتى. بۇل رەتتە سۇرالعانداردىڭ باسىم كوپشىلىگىنىڭ – 91 پايىزىنىڭ ايتۆ جانە جيتس تۋرالى جەتكىلىكتى تولىق ءبىلىمى جوق. سونىمەن قاتار، جاسوسپىرىمدەر جۇكتىلىگىنىڭ سانى ەىدۇ-نىڭ باسقا ەلدەرىمەن سالىستىرعاندا جوعارى بولىپ وتىر.

«سەن ءجاسوسپىرىم بولعان كەزدە، كوپتەگەن كۇتپەگەن قاۋىپ-قاتەرلەرگە: قۇرداستارى تاراپىنان جاسالاتىن قىسىمعا، ولاردىڭ قۋدالاۋىنا، قاۋىپتى مىنەز-ق ۇلىققا، سونىڭ ىشىندە قاۋىپتى جىنىستىق مىنەز-ق ۇلىققا جانە باسقالاي قاتەرلەرمەن بەتپە-بەت كەلە الاسىڭ. دۇرىس اقپاراتتى ءبىلۋ ماڭىزدى، قۇرداستارىنىڭ قىسىمىنا قارسى تۇرۋعا جانە ولارعا «جوق» دەپ ايتۋعا ۇيرەنۋدىڭ ماڭىزى زور. بىراق ەڭ باستىسى – ادامدا ءومىرىڭىزدى ەلەۋلى تۇردە ايقىندايتىن شەشىم قابىلداۋ قۇقىعى مەن تاڭداۋ مۇمكىندىگىنىڭ بولۋى. بۇل ورتالىققا بارۋ جانە ونىڭ ءىس-شارالارىنا قاتىسۋ جاستارعا ولاردىڭ ومىرىنە قاتىستى سالالاردا سالاۋاتتى شەشىمدەر قابىلداۋعا كومەكتەسەدى»، – دەدى Y-PEER قوزعالىسىنىڭ قاتىسۋشىسى ايىم ولجاباي. ونىڭ ايتۋىنشا، «جاستارعا ينۆەستيتسيالار سالۋ: ەشكىمدى نازاردان تىس قالدىرمايمىز» استانا دەكلاراتسياسىندا بۇل تارماقتاردىڭ بارلىعى دا بار.    

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار